Read Yucateco Salmos 113 Bible Online

Salmos 113 - Yucateco bible

Salmos 113

¹¡Qui'iqui' t'anta'ac Yuumtzil! ¡U palitzile'ex Yuumtzil, qui'iqui' t'ante'ex u kaaba'!

²Qui'iqui' t'ante'ex u kaaba' Yuumtzil bejela'e' tac mina'anu xuul.

³¡Qui'iqui' t'anta'ac u kaaba' Yuumtzil u cáajbal j lakin tac j chikin!

⁴Yuumtzile' ti' yaan tu yóokol le múuch' caajo'obo', ¡u nojbe'enile' ti' yaan tu yóokol le ca'ano'!

⁵Mix máac je'el u queetpajal ti' Yuum c Kue', leti' cu ajawil te ca'analo'

⁶ba'ale' láili' cu cabalcuntic u yóol u ti'al u pact ca'an yéetel lu'um.

⁷Yuumtzile' cu líiksic óotzil luubul j lu'um yéetel cu jóokesic máax yaan ti' cúuchil sen caabal máax káabet wa ba'ax ti',

⁸u ti'al ca u culquint ichil máaco'ob ca'anal yanilo'ob, ichil u nuuctaquilo'ob caaj.

⁹Ti' le co'olel ma' j yanchaj u paalale', cu dzáic u qui'imac óolalil ti' ca kuchuc u betjubáa maamail yéetel ca yanac u yotoch. ¡Qui' t'anta'ac Yuumtzil!