Read Yucateco Salmos 12 Bible Online

Salmos 12 - Yucateco bible

Salmos 12

¹Toco'oni', Yuumtzil, tumen mina'an u jaajil ocsaj óolo'ob; bejela'e', mina'an máaco'ob cu ya'alico'ob ba'ax jaaj.

²Cu paaclan tusicuba'ob; jela'an ba'ax u káat ya'alo'ob, chéen j ca'a p'éel icho'ob

³Yuumtzil, joc tac tu mootz le ca'a p'éel icho'obo' bey le j ca'anal icho'obo',

⁴le máaxo'ob cu ya'alico'ob: Chéen yéetel yanil c chi'e' ma'alob yanilo'on; c t'aan toquico'on. ¿Máax je'el u taal u ya'al ti' to'on ba'ax kabéet cbetique'?

⁵Lela' leti' le ba'ax u ya'almaj Yuumtzila': Le óotzilo'ob yéetel le j ma' muuko'obo' cu ye'edzelo'ob, le óotzilo'obo' cu beeta'al u mukyajo'ob. Le t o'olale' tene' bin in ca'aj líikil tu séeblaquil u ti'al in dzáa ti'ob le áantaj cu sen dzíiboltico'obo'.

⁶U séeb chi'ob Yuumtzile' jach jaajtaco'ob; ¡beyo'ob je'el bix le ma'alob sac taakino', máansaja'an siete u téenel ti' chujcab u ti'al ca ma'alobquinta'ac!

⁷Teche, Yuumtzil, ca canantico'on; ¡ca canantico'on ti' le loolob máaco'obo'!

⁸Le loolob máaco'obo' cu máano'ob tuláacal tu'ux; tuláacal máac xan cu qui'iqui' t'antic le kasa'anilo'.