Read Yucateco Salmos 121 Bible Online

Salmos 121 - Yucateco bible

Salmos 121

¹Le quéen in pact le pu'uco'obo' quin káat chi'itiquinbáa: ¿Tu'ux bíin talac in wáantajil?

²In wáantajile' bíin talac ti' Yuumtzil, le máax tu beetaj ca'an bey xan lu'um.

³¡Mix bikin bíin u cha'a' u jacchajal a wooc! ¡Mix bikin bíin wenec máax canantiquech!

⁴Ma', mix bikin cu wenel, mix bikin wenec máax canantic Israel.

⁵Yuumtzile' leti' máax canantiquech; Yuumtzile' leti' máax yaan ta x no'oj kabil u ti'al u yáantech.

⁶Le kiino' ma' bíin u beet teech kaas yéetel kiini', mix le uj je'el u beetic teech kaas yéetel áakabe'.

⁷Yuumtzile' cu toquiquech ti' tuláacal loobil; leti' canantic a cuxtal.

⁸Yuumtzile' leti' canatic a jóokbal bey a wocbal bejela'e', tac mix kin.