Read Yucateco Salmos 122 Bible Online

Salmos 122 - Yucateco bible

Salmos 122

¹Jach qui'imacchaj in wóol le ca j a'ala'ab teen: ¡Co'ox tu kulnaj Yuumtzil!

²U noj caajil Jerusalén, ti' yano'on ichil a najilo'obe'.

³Jerusalén nojoch caaj beeta'an u ti'al u much'quinta'al caajo'ob.

⁴Ti' leti' cu taalo'ob u múuch' paalo'ob Yuumtzil, u ti'al u qui'iqui' t'anto'ob u kaaba', je'el bix a'ala'abic ti' Israele'.

⁵Ti' leti'e' yano'ob u cúuchilo'ob tu'ux cu beeta'al p'is óol, u cúuchilo'ob u beeta'al p'is óol tu jalach nail David.

⁶A'ale'ex yéetel pucsi'ikal: ca yanac jéedzel ichilech Jerusalén; ca cajlaco'ob jejedzqui máaxo'ob yaacuntmailech.

⁷Ca yanac jéedzel ta bakpach pakilo'ob; ma' u yantal p'ec óolal ta jalach najilo'ob.

⁸Bejela'a ti' le súutuquila' tu yo'olal in sucu'uno'ob yéetel tu yo'olal in wéet óolo'obe' quin wa'alic: Ca yanac jéedzel ichilech.

⁹Tu yo'olal u nail Yuum Kue' bíin meyajnaquen tu yo'olal a wutzil.