Read Yucateco Salmos 124 Bible Online

Salmos 124 - Yucateco bible

Salmos 124

¹Wa ma' úuchic u yantal Yuumtzil t éetele', ca u ya'al Israel bejela'e',

²wa ma' úuchic u yantal Yuumtzil t éeteel le ca j líik le máaco'ob u ti'al u pulcuba'ob t óokole',

³le ca j t'a'ab u p'uja'anil t o'olale', dzo'oc ca'ach u lukico'ono'ob cuxa'ano'one';

⁴dzo'oc ca'ach u jíiltico'on ja'e'; ¡dzo'oc ca'ach u máan t óokol jun p'éel áalcab ja'e'!

⁵¡Le dzíidzic ja'obo' dzo'oc ca'ach u máano'ob t óokole'!

⁶¡Qui'iqui' t'anta'ac Yuumtzil, tumen ma' tu cha'aj u xe'exet'co'on c aj p'eeco'ob yéetel u cojo'obe'!

⁷Dzo'oc c púudzul ti' le léecho' je'el bix u púudzul jun túul ch'íich' tu kab le j táabsajo', le léecho' j cáachi, to'on túune' j púudzo'on.

⁸C áantaje' ti' Yuumtzil u taal, le máax beet ca'an bey xan tu beetaj le lu'uma'.