Read Yucateco Salmos 126 Bible Online

Salmos 126 - Yucateco bible

Salmos 126

¹Le ca tu kexaj Yuumtzil bix yanil Sione' to'one', t tucultaj táan ca'ach c wayak.

²Bey túuno' c chi' yéetel u bóoxelo'ob c chi'e' chu'upo'ob yéetel che'ejo'ob bey xan yéetel u yawatilo'ob qui'imac óolal; le máaxo'ob kultico'ob beetbil kuobo' tu ya'alajo'ob: ¡Yuumtzile' dzo'oc u beetic nucuch ba'alo'ob tu yo'olalo'ob!

³Bey, Yuumtzile' tu beetaj nucuch ba'alo'ob t o'olal, yanchato'on qui'imac óolal.

⁴¡Yuumtzil, beet ca kexpajac tu ca'a téen bix yanilo'ob, je'el bix u jelpajal le x tocoy lu'um le quéen káaxac ja'e'!

⁵Le máaxo'ob cu paakalo'ob yéetel u ya'alil yicho'obe' yaan u joocho'ob yéetel u yawatilo'ob qui'imac óolal.

⁶Quex okolnaco'ob ca'aliquil táan u bisico'ob le i'inajo' yaan u suuto'ob táan u kaayo'ob yéetel qui'imac óolal, táan u taasico'ob u kaxabilo'ob le trigo tu kabo'obo'.