Read Yucateco Salmos 128 Bible Online

Salmos 128 - Yucateco bible

Salmos 128

¹Teche' qui' a wóol tumen ca tziquic Yuumtzil yéetel xan ca wu'uyaj t'antic.

²Yaan a jaantic u yich a meyaj yaan u qui'imacchajal a wóol, yaan xan u bin teech utzil.

³Ichil a wotoche', a watane' bey u paklil uva chuup yéetel iche'; a paalalo'obe' tu bakpach u mayac che'il a janale' yaan u béeytalo'ob bey u ku'uk olivoe'.

⁴Bey cun qui'iqui' t'anbil tumen Yuumtzil le máax tziquico'.

⁵¡Yuumtzil ca u qui'iqui' t'antech tac tu pu'uquil Sión! ¡Ca a wil u ma'alob yantalil Jerusalén tuláacal u kiinilo'ob a cuxtal!

⁶Ca kuchuquech a wil a wáabilo'ob. Ca yanac jéedzel tu lu'umil Israel.