Read Yucateco Salmos 132 Bible Online

Salmos 132 - Yucateco bible

Salmos 132

¹In Yuum, Yuumtzil, u aj Páajtalilech Jacob, ka'ajac teech David yéetel u mukyajo'ob; ka'ajac teech le dzaa t'aan tu beetaje':

³Ma' tin j ocol ich naj mix tin j chital je'elel,

⁴ma' tin in mudz in wich, mix jun súutuc xan quin j wenel,

⁵ca'aliquil ma' in caxant naj u ti'al Yuumtzil, u Aj Páajtalil Jacob.

⁶Te Efratao' t u'uyaj u t'aanil, tu yo'olal u ba'asil nupt'aan ca t nuptáantaj tu káaxilo'ob Jaar.

⁷¡Xi'ico'on tu quili'ich naj Yuumtzil! ¡Co'one'ex xoltal tu quili'ich cúuchil tu'ux cu t'alcuntic u yooc!

⁸Líiken Yuumtzil yéetel le ba'as u chíiculal a páajtalilo', co'oten te jo'olu'um tu'ux bíin je'elequecho'.

⁹Ca u búucbesjuba'ob yéetel utzil le aj kiino'ob a ti'alo'obo'; ca awatnaco'ob yéetel qui'imac óolal le máaxo'ob cu yocsaj óoltiquecho'obo'.

¹⁰Tu yo'olal a yaacunaj ti' David a paalile', ma' a beetic u ch'a'ic subtal le ajaw a yéeymajo'.

¹¹Yuumtzile' tu dzaj jun p'éel jejedzqui t'aan ti' David, dzaa t'aan ma' bíin u ya'al, ma' bíin u dzo'ocbesi':

¹²Yaan in dzáic ta jalach káanche' jun túul ti' a ch'i'ibalo'ob. Wa a paalalo'ob cu béeycuntico'ob in nup t'aan yéetel ca u dzo'ocbeso'ob le a'almaj t'aano'ob quin in ca'anbes ti'obo', u paalalo'ob xane' yaan u cutalo'ob u ti'al mix bikin tu jalach káanche'.

¹³¡Yuumtzile' dzo'oc u yéeyic u jo'olu'umil Sión! ¡Dzo'oc u yéeyic u ti'al ca cajlac te'elo'!

¹⁴Lela' leti' le jo'olu'um tu'ux in káat yantal mantadzo'; ti' quin cajtali' tumen bey utzchajic tin t'aan.

¹⁵Yaan in ya'abcach qui' t'antic u yo'ocho'ob, yaan in na'ajcunsic yéetel waaj le óotzilo'obo'.

¹⁶Yaan in búucbesic yéetel tocsajil le u j kiino'obo', yaan xan u yawato'ob yéetel qui'imac óolal le máaxo'ob u yocsmaj u yóolo'ob ti'e'.

¹⁷Te'elo' ti' quin in beet u ca'a síijil u páajtalil Davidi'. Dzo'oc in nu'ucbesic jun p'éel x t'uchub sáasil u ti'al le ajaw máax in yéeymajo'.

¹⁸U aj p'eeco'obe' yaan in chupico'ob yéetel subtalil, ba'ale' leti'e' yaan in pixic yéetel sáasjome'enil.