Read Yucateco Salmos 137 Bible Online

Salmos 137 - Yucateco bible

Salmos 137

¹Culucbalo'on ca'ach tu jáal u yáalcab ja'ilo'ob Babilonia, c okol le quéen ka'ajac ca'ach to'on u noj caajil Sion.

²Tu kab le che'ob yaan te j nojoch caajo' t ch'uyquintaj c arpaob.

³Te'elo' le máaxo'ob tu bisajo'on u ti'al kalabile', le máaxo'ob tu lukesaj to'on tuláacal ba'ax c ti'ale', cu káatico'ob to'on ca kaaynaco'on yéetel qui'imac óolal, ¡ca c kay ti'ob u kaayilo'ob Sión!

⁴¿Bix je'el c kayic u kaayilo'ob Yuumtzil táanxellu'umile'?

⁵¡Jerusalen, wa ca kuchuc in tu'ubseche', ca tijic in x no'oj kab!

⁶¡Ca táakac in waak ti' in na'aca'an, wa ma' táan in ka'asiquech; Jerusalen, wa ma' táan in dzáiquech táanil ti' in qui'imac óolalil!

⁷Yuumtzil, ka'ajac teech le ba'ax tu ya'alaj le edomitaob le ca j lúub Jerusalene': ¡júutuc, júutuc tac u chuumpakilo'ob!

⁸¡Teche', Babilonia, yaan a ju'utul! ¡Qui' u yóol le máax cun u sut teech le kaas ta beetaj to'ono'!

⁹¡Qui' u yóol le máax cu bin u mach a paalalo'ob u ti'al u xixicch'into'ob ti' le nojoch tuunicho'!