Read Yucateco Salmos 138 Bible Online

Salmos 138 - Yucateco bible

Salmos 138

¹Yuumtzil, yaan in dzáic teech nib óolal, yéetel tuláacal pucsi'ikal; yaan in kayic ti' teech kaayo'ob tu táan le kuobo'.

²Yaan in xoltal tu tojil a quili'ich kulnaj u ti'al in dzáic teech nib óolal tu yo'olal a yaacunaj yéetel tu yo'olal a jaajil, tumen dzo'oc a dzáic a kaaba' yéetel a t'aan tu yóokol tuláacal ba'al.

³Le ca tin t'aanajeche', ta núucajen, yéetel ta dzaj sen ya'ab in muuko'ob.

⁴Tuláacal u ajawilo'ob yóokolcaabe' yaan u qui'iqui' t'antiquecho'ob le quéen u yu'ubo'ob a dzaa t'aano'ob.

⁵Yaan u qui'iqui' t'antico'ob Yuumtzil tu yo'olal leba'axo'ob cu beetico', tumen nojoch u nojbe'enil Yuumtzil.

⁶Quex tumen ti'an Yuumtzil te ca'analo', cu pactic le j cabal óol wíinico', tac náachile' cu kaj óoltic xan le j ca'anal icho'.

⁷Le quéen in wiljinbáa ich yaayaj óolale', teche' ca dzáic teen cuxtal; ca we'esic a páajtalil yéetel ca toquiquen ti' u p'uja'anilin aj p'eeco'ob.

⁸¡Yuumtzile' yaan u dzo'ocbesic ichil qui'imac óolale' le ba'ax cu beetic tin wo'olalo'! Yuumtzil a yaacunaje' mina'an xu'ulul ti'. ¡ma' a p'atic x ma' dzo'ocsajil le ba'ax dzo'oc a cáajsico'!