Read Yucateco Salmos 139 Bible Online

Salmos 139 - Yucateco bible

Salmos 139

¹Yuumtzil, dzo'oc a xakaltic in cuxtal, a kaj óolen xan;

²teche' a kaj óol tuláacal ba'axo'ob quin beetic; quex tac náachile', a wojel ba'ax quin tuclic.

³A wojel bix in máan, a wojel bix in je'elel; ¡a wojel tuláacal ba'ax quin beetic!

⁴Ma'ili' t'aanaquene', Yuumtzil teche' dzo'oc a wojéeltic.

⁵Tuláacal in tzéelilo'ob dzo'oc a bakpachtic; a dzaama a kab tin wóokol.

⁶Le nojoch ojéelajil beyo' ma' tu kuchul in ti'alte; ¡tu yo'olal u jach ca'analile', ma' tu kuchul in na'ati'!

⁷¿Tu'ux je'el u páajtal in bin, náach ti' a pixane'? ¿Tu'ux je'el u páajtal in púudzul ti' teche'?

⁸Wa ca na'acaquen ti' u ca'analilo'ob le ca'ano'obo', te'elo' ti' yanechi'; wa ca éemequen tu taamil le lu'umo', ti' yanech xani'.

⁹Wa xiknalil ca xi'iquen j lakine', wa ca cajlaquen tu'ux cu xu'ulul le j chikin ka'anabo',

¹⁰tac te'elo' yaan u bisiquen a kab; ¡a x no'oj kabe' ma' bíin u cha'eni'!

¹¹Wa quin tucult in ta'aquiquimbáa ichil éekjoch'e'enile', yéetel wa ca sutkajac áakabil le sáasil cu bakpachtiqueno',

¹²le éekjoch'e'enilo' ma' bíin u balen ti' techi'; le áakabo' jach sáasjo'ome'en a ti'al, je'el bix le kiino'; ¡A ti'al teche' je'el bix le éekjoch'e'enilo' bey le sáasilo'!

¹³Teech máax beet tuláacal in wíinclil; teech máax beeten tu jobnel in maama.

¹⁴Quin qui'iqui' t'antiquech tumen jaka'an in wóol, tumen jakbe'en óolal le ba'ax a beetmajo', ¡Lelo' jach in wojel!

¹⁵Mix ba'al j bal ta wich bix beetkajic in wíinclil ca'aliquil táan pa'atal ich muclil, ca'aliquil táan in pa'atal tu jach dzu' lu'um.

¹⁶A wicho'obe' tu yilajo'ob in wíinclil le táan u ch'a'ic wíinclile'; tuláacal lela' dzíibta'an yanil ti' a dzíibil ju'un. Ma'ili' síijiquene', dzo'oc a tuclic buca'aj cun kuchul u kiinilo'ob in cuxtal.

¹⁷In Ku, buca'aj taamil in ti'al teen a tuuculo'ob; mina'an xuulul u múuch'ulo'ob a tuucul.

¹⁸Wa ca in wóolt in xoco'obe', jach ya'abo'ob bey u ma'ay lu'ume'; wa quin wenel, wa quin wajale', láili' ti' yanen tawéetele'.

¹⁹In Ku, lukes u cuxtal le j loolob máaco'obo', náachcunsti' teen le quíimsaj wíinico'obo',

²⁰le máaxo'ob cu t'aano'ob kaas ta wo'olalo' yéetel cu ch'a'a chi'itico'ob a kaaba' tu yo'olal mix ba'al.

²¹Yuumtzil, ¿ma' wa in p'ecmaj le máaxo'ob p'ecmajilecho' yéetel quin cúulpachcuntic le máaxo'ob cupoch'iquecho'obo'?

²²¡Quin p'ectico'ob yéetel tuláacal in wóol! ¡In ti'alo'ob tene', aj p'eeco'ob!

²³In Ku, xakalteni', kaj óolt in pucsi'ikali'; dzáen ti' túutajil, kaj óolt in tuuculo'ob;

²⁴il, wa táan in bin ti' u bejil kaase', bisen tu beelil mina'an u xuul.