Read Yucateco Salmos 14 Bible Online

Salmos 14 - Yucateco bible

Salmos 14

¹Le j ma' na'ato'obo' cu tucultico'obe': mina'an Ku: tuláacalo'obe' dzo'oc u kastalo'ob; dzo'oc u beetico'ob ba'alo'ob talam kaastaco'ob; ¡mix máac beetic ba'ax utz!

²Yuumtzile', líikbal te j ca'ano' cu pactic le wíinico'obo' u ti'al u yilic wa yaan máax yaan u na'at u ti'al ca u caxant Junab Ku.

³Ba'ale' tuláacal wíinique' dzo'oc u bino'ob ti' kaakasbej; dzo'oc u lajquet kastal tuláacalo'ob. ¡Mina'an mix máac u ti'al u beet utz! ¡Mina'an quexi' jun túule'!

⁴Mina'an u na'ato'ob le j loolob máaco'obo', máaxo'ob cu jaantico'ob in caajal je'el bix u jaanta'alwaaje'; leti'obe' ma' tu ch'a'a chi'itico'ob u kaaba' Yuumtzil'.

⁵Leti'obe yaan u quiquilaanquilo'ob yéetel sajaquil, tumen Kue' ti'an yéetel máaxo'ob u'uyic u t'aane'.

⁶Cu p'a'astico'ob u dzíibolal le óotzilo'obo', ba'ale' Yuumtzile' leti canantico'ob.

⁷¡Quexi'i ca talac líikbal tu pu'uquil Sion u tocsajil Israele'! Le quéen u beet Yuumtzil u kexpajal bix yanil u caajale', bíin qui'imacchajac u yóol u ch'i'ibalo'ob Jacob, tuláacal u caajil Israel.