Read Yucateco Salmos 140 Bible Online

Salmos 140 - Yucateco bible

Salmos 140

¹Yuumtzil toquen ti' le j loolob máaco'obo'; cananten ti' le jáanpay óol wíinico'obo',

²le cu jokjo'oltico'ob u beetico'ob kaaso', máaxo'ob láaj kiin cu léecsico'ob ba'atel.

³U yaako'obe' pupudzquil bey u yaak le caano'; u t'aano'obe' bey u kaab u chi' caane'.

⁴Yuumtzil cananten ti' u páajtajil le j loolob máaco'obo'; cananten ti' le jáanpay óol máaco'obo', ti' le máaxo'ob cu jokjo'oltico'ob ca lúubuqueno'.

⁵Le j ca'anal icho'obo' dzo'oc u nu'uctico'ob jun p'éel léech ti' teen; dzo'oc u jayco'ob léecho'ob yéetel kaxabo'ob; dzo'oc u dzáico'ob léecho'ob tu jáal in beel.

⁶In wa'almaj ti' Yuumtzil: Teech in Ku; ¡u'uy túun in káat óolal!

⁷Yuumtzil, Yuumtzil, aj páajtalil, in tocsajil, teech canantic in pool tu kiinil ba'atel.

⁸Yuumtzil ma' a dzáic ti' j loolob máac u dzíibolalo'ob; ma' a cha'ic u béeytal jok jo'olo'ob.

⁹Le máaxo'ob bakpachmaileno'obo' cu líikesic u poolo'ob; ¡lúubuc tu yóokolo'ob u kaakas t'aano'ob!

¹⁰Lúubuc tu yóokolo'ob t'aba'an chúuco'ob; pu'uluco'ob ti' ch'e'en tu'ux ma' tu suuto'ob jóokol mix bikin.

¹¹Ma' u p'áatal yóokolcaab máax mina'an u beel u t'aan; ca chucpachta'ac yéetel ca xu'ulsa'ac tumen le kaaso', le jáanpay óol máaco'.

¹²In wojele', Yuumtzile' cu beetic ba'ax toj ti' óotzil yéetel cu canantic ca beeta'ac ba'ax toj ti' máax cu mukyaj.

¹³Le wíinico'ob toj u cuxtalo'obo' yaan u qui'iqui' t'antico'ob a kaaba'; ¡le máaco'ob toj u cuxtalo'obo' yaan u cajtalo'ob ta táan!