Read Yucateco Salmos 142 Bible Online

Salmos 142 - Yucateco bible

Salmos 142

¹Yéetel ka'am t'aan quin t'aan ti' Yuumtzil; yéetel ka'am t'aan quin káatic ch'a'a óotzilil ti'.

²Ta táan quin dzáic in mukyaj; ta táan quin dzáic ojéeltbil in yaj óolal

³le quéen in wu'uy u naat'al in tzeem. Yuumtzil, teche' a woojel ba'ax beil quin bisic: Ti' le bej tu'ux quin bino' dzo'oc u dza'abal teen jun p'éel léechi'.

⁴Quin sutic in paacat x no'ojile', mix máac cu taal u ti'alu yáanten. ¡Mix máac yaan u ti'al u toquen! Mix máac yaan ca chi'ichnacac tin wo'olal.

⁵Yuumtzil, ti' teech quin ka'am t'aan, quin wa'alic xan: Ti' teech quin balquimbáa; tuláacal ba'ax yaan teen ti' le cuxtala'.

⁶Beet utz a ch'en xiquintic in wawato'ob, tumen quin wiliquinbáa x ma' muukil. Toquen ti' le máaxo'ob ch'a'apachtiqueno'obo', tumen asab yaan u muuko'ob ti' teen.

⁷Jóokesen ti' in kalabil u ti'al ca páatac in qui'iqui' t'antiquech. Máaxo'ob utz u cuxtalo'obe' yaan u bakpachtiqueno'ob le quéen dzo'ococ a wutzil kamiquene'.