Read Yucateco Salmos 144 Bible Online

Salmos 144 - Yucateco bible

Salmos 144

¹¡Qui'iqui' t'antbil Yuumtzil, in aj canan! Leti' máax ca'anbesiquen yéetel cu nu'ucbesiquen u ti'al ba'atel.

²Leti'e' in chuca'an éet óol, u cúuchil in wáantajil; leti'e' in sen ca'anal j ta'acbesaj, leti' in j tocsajil; leti'e' in chimal, ti' leti' in dzaamaj in wóol; leti'e' máax dzáic teen le caajo'ob tu yáanal inpáajtalil.

³Yuumtzil ¿máax wíinic u ti'al c tuuculnaquech tu yo'olalo'? ¿Ba'ax le wíinic ca a sen táan óolto'?

⁴Le máaco' bey jun p'éel ch'a'a múusike'; u cuxtale' bey jun p'éel bo'oy cu máane'.

⁵Yuumtzil, je'ekabt le ca'ano'obo', éemen; péedzkabt le pu'uco'ob u ti'al ca u tulo'ob buudz;

⁶pul julubo'ob ca léenbanac cháaco'ob, u ti'al a beetic u púudzul a aj p'eeco'ob.

⁷Tich' a kab likbal te j ca'ano', toquen ti' le nojoch ka'anabo'; toquen ti' u kab le j táanxel lu'umil máaco'obo',

⁸ti' le máaxo'ob cu ya'alico'ob tuuso'obo' yéetel cu líikesico'ob u x no'oj kabilo'ob u ti'al u béeycuntico'ob ba'ax ma' jaaji'.

⁹Yuumtzil bin in ca'a in kay teech jun p'éel túumben kaay; bin in ca'a in kay teech kaayo'ob yéetel le salterio'.

¹⁰Teech máax dzáic dzáancha'atajil ti' le ajawo'obo', teech máax ta tocaj a paalil Davide', toquen ti' le máascab cu quíimsajo'; toquen ti' u páajtalil le táanxel lu'umil máaco'obo', ti' le máaxo'ob cu ya'alico'ob tuuso'ob yéetel cu líikesico'ob u x no'oj kabo'ob u ti'al u béeycuntico'ob ba'ax ma' jaajo'.

¹²C paalale' beyo'ob pakalo'ob cu ch'íijilo'ob ichil pakabil nicte'obe'; c ch'upul paalalo'obe' bey u jadzutz ocomilo'ob jun p'éel chúumuc naje'.

¹³C ch'iilo'obe' chuup yanilo'ob, túul chuupo'ob yanilo'ob yéetel jejeláasil ba'al jaanta'al. C wacaxo'obe' cu ya'abtalo'ob ti' u mililo'ob, mina'an u xooquil ti' c káaxo'ob.

¹⁴C ch'upul wacaxo'obe' cu p'áatalo'ob yo'omo'ob, yéetel ma' tu síijil u chichnilo'ob wa ma' tu kiinili'. mina'an u yawatilo'ob sajaquilil ti' u bejilo'ob c caajal.

¹⁵¡Qui' u yóol le caaj yaan tuláacal le ba'alo'ob ti'a'! ¡Qui' u yóol le caaj, Kue' leti' u Yuumtzil!