Read Yucateco Salmos 148 Bible Online

Salmos 148 - Yucateco bible

Salmos 148

¹¡Qui'iqui' t'anta'ac Yuumtzil! ¡Qui'iqui' t'ante'ex Yuumtzil likbal te j ca'ano'! ¡Qui'iqui' t'ante'ex Yuumtzil likbal te ca'analo'!

²¡Qui'iqui' t'ante'ex tuláacal u ángele'ex! ¡Qui'iqui' t'ante'ex, te'ex u cajnáalile'ex ca'an!

³Qui'iqui' t'ante'ex, te'ex kiin yéetel uj, Qui'iqui' t'ante'ex, te'ex u jóopbanaj eeke'ex.

⁴¡Qui'iqui' t'ant, teech, u sen ca'analil ca'an, beyxan teech, ja' le yanech tu yóokol le ca'ano'!

⁵Qui'iqui' t'ante'ex u kaaba' Yuumtzil, tumen leti'e' j t'aanaje' ca j beetchaj tuláacal ba'al.

⁶Tuláacal tu jedzcuntaj u ti'al ja'abo'ob mina'an u xuul, yéetel tu dzaj jun p'éel a'almaj t'aan, lela' ma' tu páajtal u manba'alcunta'al.

⁷¡Qui'iqui' t'ante'ex Yuumtzil likbal te j lu'uma', u nucuch ba'alche'ile'ex ka'anab!

⁸¡U léenbal cháac, u lúubul bat, u káaxal nieve bey le ye'ebo'! ¡Beyxan tumen chac ikal, máaxe'ex ca dzo'ocbesic u ya'almaj t'aan!

⁹¡Le pu'uco'obo' yéetel le ca'anal jo'ol lu'umo'obo'! ¡Tuláacal le kulche'ob yéetel le che'ob cu dzico'ob janaltbil icho'obe' u qui'iqui' t'aanto'ob Yuumtzil!

¹⁰¡Bey xan qui'iqui' t'anta'ac tumen alaktbil ba'alche'ob yéetel u ba'alche'ilo'ob káax! ¡Ch'íich'o'ob yéetel ba'alche'ob cu jíiltcuba'obo'!

¹¹¡Tumen u ajawilo'ob yóokolcaab yéetel tuláacal caajo'ob; tuláacal u nuuquilo'ob yéetel u jalachilo'ob yóokolcaabo'!

¹²¡Xiibo'ob yéetel co'olelo'ob, táanquelemo'ob yéetel nuxibo'ob!

¹³¡Qui'iqui' t'ante'ex tuláacale'ex u kaaba' Yuumtzil, tumen chéen u kaaba' sen ca'anal! ¡U tziiquile' ti' yaan tu yóokol ca'ane' yéetel tu yóokol lu'um!

¹⁴¡Leti' tu dzaj páajtalil ti' u caajal! ¡U qui'iqui' t'aan, ti' tuláacal u j ocsaj óolo'ob, ti' Israelitaob le u caajal naadz ti'o'! ¡Qui'iqui' t'anta'ac Yuumtzil!