Read Yucateco Salmos 149 Bible Online

Salmos 149 - Yucateco bible

Salmos 149

¹¡Qui'iqui' t'antbil Yuumtzil! Kaye'ex ti' Yuumtzil jun p'éel kaay. Qui'iqui' t'ante'ex ichil u múuch'cabil u ocsaj óolo'ob.

²Ca qui'imacchajac u yóolo'ob le j Israelitaobo', u caajil Sión, tumen Kue' leti' beete yéetel leti'e' u ajaw.

³Qui'iqui' t'ante'ex u kaaba' yéetel óokoto'ob; ti' u juumbal arpaob yéetel pandero'ob, kaye'ex kaayo'ob ti' leti'.

⁴Tumen Yuumtzile' cu qui'imactal u yóol ti' u caajal; cu dzáic ti' cabal óolo'ob tziiquil yéeteldzáancha'atajil.

⁵Qui'imacchajac u yóol le j ocsaj óolo'obo' tu yo'olal le dzáancha'atajilo'; quex ichil u wenelo'obe' ca kaaynaco'ob yéetel qui'imac óolal.

⁶Ca yanac qui'iqui' t'aan u ti'al Ku tu chi'ob, yéetel tu kabo'obe' jun p'éel máascab ca'amat u yej

⁷u ti'al u beetic loobil ti' máaxo'ob cu kultico'ob beetbil kuobo', yéetel u ti'al u jadzic le múuch' caajo'obo',

⁸u ti'al u kaxic yéetel cadena le ajawo'ob bey xan le páajtalil wíinico'obo',

⁹u ti'al u dzo'ocbesic ti' leti'ob le ba'ax dzíibta'an tu yo'olalo'obo'. ¡Lela' jun p'éel tziiquil u ti'al tuláacal u yocsaj óolo'ob Yuumtzil! ¡Qui'iqui' t'anta'ac Yuumtzil!