Read Yucateco Salmos 24 Bible Online

Salmos 24 - Yucateco bible

Salmos 24

¹Yuumtzil u yuumil tuláacal yóokolcaab yéetel tuláacal je'el ba'alac yanee' yéetel tuláacal je'el ba'axac cajacbale'.

²Tumen Yuumtzil dzáa u chuunpakilo'ob le yóokolcaaba' yéetel tu yutzil jedzcuntaj tu yóokol le ka'anabo' bey xan tu yóokol le áalcab ja'obo'.

³¿Máax je'el u páajtal u na'acal tu pu'uquil Yuumtzile'? ¿Máax je'el u páajtal p'áatal tu quili'ich kulnaje'?

⁴Le máax mina'an u sipa'anil u kabo'obe', mix u kascuntmaj u tuucul ti' keban; le máax ma' teech u kultic beetbil kuobo' mixtech u chéen cunel ch'a'a chi'itic u kaaba' Junab Ku.

⁵Yuumtzil bíin u qui' t'ant le máaco'; u Junab Kuil le tocsajilo' bíin u beet ba'ax tu beel ti'.

⁶Bey u najmal u béeytal le máax caxtic Yuumtzilo', le máaxo'ob caxtic ca yanac yéetelo'ob u Ku Jacobe'.

⁷¡Je'epajaque'ex, x ma' xu'ulul jool naje'ex! P'áataque'ex píipi' je'ekabe'ex u ti'al ca ococ u ajawil nojbe'enil.

⁸¿Máax u ajawil nojbe'enil? ¡Leti' le Yuumtzilo', le máax mu'uka'an yéetel ma' sajaqui'! ¡Leti' le Yuumtzil ti' máax yaan páajtalil u ti'al le ba'atelo'!

⁹¡Je'epajaque'ex x ma' xu'ulul jool naje'ex! ¡P'áataque'ex píipi' je'ekabe'ex! u ti'al ca ococ u ajawil nojbe'enil.

¹⁰¿Máax u ajawil nojbe'enil? ¡Yuumtzil ti' máax yaan tuláacal páajtalil! ¡Leti', u ajawil nojbe'enil!