Read Yucateco Salmos 26 Bible Online

Salmos 26 - Yucateco bible

Salmos 26

¹Yuumtzil, p'is óolteni', tumen tin cuxtale' mina'an mix ba'al kaas. Yuumtzil, tu jaajil in kubmaj in wóol ti' teech;

²xakalt in cuxtal, ¡dzáen ti' túuntajil! ¡saccuns in tuuculo'ob yéetel u sen taamilo'ob in pucsi'ikal!

³Kaja'an ti' teen a yaacunaj, yéetel in kubmaj in wóol ti' teech;

⁴mix jun téen tin nupimbáa yéetel le j tuuso'obo', mix tin much'ajimbáa yéetel le j ca'a p'éel icho'obo'.

⁵In p'ectmaj u múuch'cabilo'ob le kaakas máaco'obo'; ¡mix jun téen cajlajen tu yéetelo'ob!

⁶P'o'ochaja'an in kabo'ob, ma' kebanchaja'ano'obi'; beyo', Yuumtzil, je'el u páajtal in nadziquimbáa ti' u multuunil a kultaje',

⁷u ti'al in kayic u kaayilo'ob qui'iqui' t'aan yéetel u ti'al in kayic a jak óol meyajo'ob ta beetaj ti' u caajil Israel.

⁸Yuumtzil, tene' in yaacuntmaj, le kulnaj tu'ux caja'anecho', le cúuchil tu'ux ca chíicbesic a nojbe'enilo'.

⁹Ma' a lukesic in cuxtal pa'ate' yéetel le aj kebano'obo'; ma' a beetic u yúuchul teen le ba'ax cu yúuchul ti' le j quíimsaj máaco'obo';

¹⁰u kabo'obe' chuup yanilo'ob yéetel kasa'anil, bey xan yéetel j máan óolal.

¹¹Ba'ale' tin cuxtale', mina'an kaas; toqueni', ch'a'a teen óotzilil.

¹²Ma'alob wa'alacbalilen; ¡yaan in wutzil t'antic Yuumtzil tu táan u caajal!