Read Yucateco Salmos 35 Bible Online

Salmos 35 - Yucateco bible

Salmos 35

¹Yuumtzil xeen tu yóokol le máaxo'ob cu taalo'ob tin wóokolo', ba'atelt le máaxo'ob cu ba'ateltiqueno'obo'.

²Nu'ucbesabáa, co'oten a wáanteni';

³ch'a'a a lóomte', toquen ti' le máaxo'ob ch'a'apachtiqueno'; ¡a'al ti' teen: Teen a tocsajil!

⁴Beet u ch'a'ico'ob subtal le máaxo'ob u káato'ob u quiimseno'obo'; ca áalcabnaco'ob ich subtalil le máaxo'ob u káato'ob u beeto'ob teen kaaso';

⁵¡ca pu'uluco'ob tumen u aj túuchi' Yuumtzil ca bisa'aco'ob beyo'ob sojol tumen iike'. Ca pula'aco'ob tumen u aj túuchi' Yuumtzil!

⁶¡U beel xane' ca p'áatac éekjoche'en yéetel jajalquil, ch'a'apachta'aco'ob tumen u aj túuchi' Yuumtzil!

⁷Tio'olal mix ba'ale', tu dzajo'ob tin beel jun p'éelléech; mix ba'al o'olale' tu páanajo'ob jun p'éel jool u ti'al ca lúubuqueni'.

⁸¡Ca tec úuchuc loob ti' leti'ob! ¡Ca lúubuco'ob leti'ob ti' le léech tu jayajo'obo'! ¡Ca úuchuc loob ti' leti'ob!

⁹Bey túuno' cu qui'imactal in wóol ti' Yuumtzil, tumenleti' tu tocajen.

¹⁰Yéetel tuláacal in pucsi'ikale' yaan in wa'alic: Yuumtzil, ¿máax je'el bix teche'? Ca toquic le óotzilo'obo' ti' le máaxo'ob yaan páajtalil ti'obo', máaxo'ob xan luksic ba'ax yaan ti'obo'.

¹¹J tuusil máaco'ob cu líikilo'ob tin wóokol yéetel cu káat chi'itiqueno'ob tu yo'olal ba'axo'ob ma' in wojeli'.

¹²Tu suto'ob teen kaasil le utz in beetmajo': cu luksico'ob ti' teen beyo' u qui'imac óolal in cuxtal.

¹³ba'ale' le ca j koja'anchajo'obe' tene' okomchaj in wóol, tin búuquintaj box nook; p'áat ma' tin janal, yéetel káat óolnajen tu yo'olalo'ob.

¹⁴Okom óolen yéetel lúubul in wóol táan in máan, bey in búuquintmaj box nook tu yo'olal quíimic in maamae', wa tu yo'olal quíimic in wéet óol, wa tu yo'olal quíimic in sucu'un.

¹⁵Ba'ale' le ca j lúubene' tuláacalo'ob tu múuch' che'ejtiqueno'ob; bey yaanal máaco'ob teen ma' in kaj óolo'obe' tu loobilteno'ob x ma' je'elelil yéetel u t'aano'ob.

¹⁶Tu beeto'ob in mukyaj, tu p'a'astajeno'ob, u paacato'ob tin wóokole' chuupo'ob tu yéetel p'ectajil.

¹⁷Yuumtzil, ¿buca'aj kiin yaan u bin a wilic lela'? ¡Toc in cuxtal, le jun p'éelili' in cuxtala'! ti' le chacmo'olo'ob táan u yawat yáacamo'obo'.

¹⁸Yaan in dzáic teech nib óolal tu táan tuláacal acaajal; ¡yaan in qui'iqui' t'antiquech tu táan tuláacal a nojochcaajo'!

¹⁹Tu yo'olal ba'ax cu yúuchul tene' ma' u qui'imactal u yóol in aj p'eeco'ob; ma' u paaclan chak ich u yich le máaxo'ob u p'ecmajeno'ob tu yo'olal mix ba'alo'.

²⁰Tumen leti'obe' ma' tu caxtico'ob jéedzelil, ba'ale' táan u tucultico'obe' bix u náaysico'ob u yóol máac u ti'al u beetico'ob loob ti'u jéedzel óol cajnáalilo'ob le múuch' caajo';

²¹cu nojoch je'ic u chi'ob tin wo'olal, cu ya'alico'ob: ¡Pacte'ex le ba'ax dzo'oc c kuchul c ilo'!

²²¡Teche' Yuumtzil, táan a wilic! ¡Ma' a p'áatal x ma' t'aanil! ¡Ma' a náachcunsicabáa ti' teen!

²³Yuumtzil in Ku, aajen. ¡Líiken! P'is óolteni', dzáaba tin tzéel

²⁴P'is óolteni', Yuumtzil in Junab Ku, je'el bix u jaajil p'is óolale'. ¡Ma' u che'ejtiqueno'ob!

²⁵Ma' u ya'alico'ob mix u tuclico'obe': ¡Lela' leti' ba'ax c káat ca úuchuca'! ¡Dzo'oc laj pa'ic umuuko'ob!

²⁶Yuumtzil, beet u ch'a'ico'ob subtal le máaxo'ob cu qui'imactal u yóolo'ob tumen táan u bin teen kaaso', beet u ch'a'ico'ob subtal le máaxo'ob cu tucultico'ob asab ma'alobo'ob ti' teno'.

²⁷Ba'ale' qui'imaccahajac yóolo'ob, awatnaco'ob yéetel qui'imac óolal le máaxo'ob u káato'ob u yileno'ob táan indzáanche'etajo'; ca u ya'alo'ob mantadz: ¡Le Yuumtzilo' nojoch! yéetel utz tu t'aan u ma'alob yantalil u paalitzil.

²⁸Yaan in tzicbaltic a p'is óolal; ¡mantadz yaan in qui'iqui' t'antiquech!