Read Yucateco Salmos 36 Bible Online

Salmos 36 - Yucateco bible

Salmos 36

¹Chéen kasa'anil cu tucultic tu dzu' u pucsika'al le loolob máaco'. Mix jun téen cu tuclic wa yaan u sajac tziiquil Ku.

²Le máaca' cu tucultic jach cu najmatic qui'iqui' t'aano'ob, ma' tu kuchul u na'at wa bíin ila'ac mix ca p'ecta'ac usi'ipil tumen Yuumtzil.

³Chéen kaakas t'aano'ob yéetel tuus cu jóokol tu chi', leti'e' ma' tu tuucul tu beelil, beyo' tu p'ataj u beetic utz.

⁴Chilicbal tu kaane' cu tuclic u beetic kaas; jach u ch'icmubáa ti' le kaakas bejo'; le o'olale' ma' u káat u p'at u kasa'anili'.

⁵Ba'ale' Yuumtzil, a yaacunaje', cu kuchul tac ca'an; a chuca'an óolale' cu kuchul tac ti' le múuyalo'obo'.

⁶A tojile' bey je'el bix le nucuch witzo'obo', a wa'almaj t'aano'obe' beyo'ob je'el bix le nojoch taamcach ka'anabo'.

⁷¡Yuumtzil, a yacunaje' pit máan jakbe'enil! ¡Tu yáanal a xiiko'obe' le máaco'obo' cu caxtico'obáantajil!

⁸Cu p'áatalo'ob tu jaajil na'ajo'ob yéetel le ya'abcach janal yaan ta wotocho'; teche' ca dzáic u yuko'ob u qui'iqui' ja'il sayab,

⁹tumen ti' teech yaan u sayabil le cuxtalo' yéetel ti' a sáasile' cu páajtal c ilic le sáasilo'.

¹⁰Dzáa mantadz a yaacunaj bey xan a p'is óolal ti' le máaxo'ob u kaj óoltmecho'obo', ti' le máaxo'ob ma'alob u tuuculo'obo'.

¹¹Ma' a cha'ic u pepe'echa'atiqueno'ob le j ca'analicho'obo', mix u yúuyumtiqueno'ob le kaakas máaco'obo'.

¹²¡Ila'ac bix u lúubsa'al le loolob máaco'obo'! ¡Lúubsa'ano'ob u ti'al mix bikin u ca'a líikilo'ob!