Read Yucateco Salmos 37 Bible Online

Salmos 37 - Yucateco bible

Salmos 37

¹Ma' a p'u'ujul tu yo'olal u si'ipil le j kaakas máaco'obo', mix a dzíiboltic a beetic ba'ax cu beetic le loolob máaco'obo',

²tumen séeba'an u tijilo'ob je'el bix u tijil le su'uco'; ¡cu quíimilo'ob je'el bix u quíimil le xíiwo'!

³Kub a wóol ti' Yuumtzil yéetel beet le ba'ax utzo'; cajlen yóokolcaab yéetel yanac teech jéedzel óolal.

⁴Yaacunt Yuumtzil yéetel muumun óolal. leti' túune' bíin u dzáa teech u dzíibolal a pucsi'ikal.

⁵Dzáa a cuxtal tu kab Yuumtzil; kub óolnen ti', leti' túune' bíin u yáantech.

⁶Bíin u beet u léenbal a wutzil bey xan a tojil je'el bix u léenbal le kiin chúumuc ca'ano'.

⁷Jedzlen tu táan le Yuumtzilo'; pa'at yéetel chuca'an óolal ca u yáantech. Ma' a kuuxil tu yo'olal le máax cu bin utzil ti' way yóokolcaaba', mix tu yo'olal le máax cu patic tu pool u beetic loolob ba'alo'ob.

⁸P'at le p'u'ujulo', xúump'at le kuuxilo'; tumen lelo' cu talam kascuntic le ba'alo'obo'.

⁹Tu jaajile' le loolob máaco'obo' bíin tojolchi'ita'aco'ob, ba'ale' le máaxo'ob cu kub óolalo'ob ti' Yuumtzile' bíin u ti'alinto'ob le lu'uma'.

¹⁰Ichil jun p'íit kiine' yaan u mina'antal loolob máaco'ob; quex buca'aj ca a beet u ti'al a caxantico'obe' ma' bíin suunaquech a nuptáanto'ob.

¹¹Ba'ale' le j cabal óolo'obo' bíin u ti'alinto'ob lelu'uma', bíin cuxlaco'ob ichil nojoch jéedzel óolal.

¹²Le loolob máaco' táan u jokjo'oltic bix bin u beet kaasti' le utzul máaco'; cu léelem pactic yéetel p'ectajil.

¹³Ba'ale' Yuumtzile' chéen cu che'ejtic, tumen u yojele' le loolob máaco' táan u náadzal u kiinil u xu'ulul.

¹⁴Le j loolob máaco'obo' cu jóoksico'ob u máascabo'obe' yéetel cu t'inico'ob u julubo'obe' ¡u ti'al u beetico'ob u lúubul le óotzilo'ob yéetel le j cabal óolo'obo'!

¹⁵Ba'ale' u máascabo'obe' bíin ch'íiquic tupucsi'ikalo'ob, u julubo'obe' bíin xe'exe'et'pajco'ob.

¹⁶Le jun p'íit ba'al yaan ti' le utzil máaco' asab ma'alob ti' le u ya'abcach ayikalil le loolobmáaco'obo';

¹⁷Tumen Yuumtzile' bíin u xu'uls le j loolob máaco'obo', ba'ale' yaan u táan óoltic le utzul wíinico'obo'.

¹⁸Le Yuumtzilo' cu canantic le máaxo'ob utz u cuxtalo'obo'; le ba'ax u ti'alo'obe' mix bikin bíin xu'uluc.

¹⁹Ti' yayaj kiino'obe', le quéen yanac wi'ijile', ma' bíin u máanso'ob subtali', tumen yaan u yantal ba'al u jaanto'ob.

²⁰Le j loolob máaco'obo' yaan u yelelo'ob bey tiquinxíiwe'; u aj p'eeco'ob Yuumtzile' bíin samkajco'ob je'el bix u yúuchul ti' le buudzo'.

²¹Le j loolob máaco'obo' ma'atech u sutico'ob u majano'ob; ba'ale' le óotzil máaco' cu ch'a'ic óotzilil yéetel cu siibal.

²²Le máaxo'ob cu yutzil t'anta'alo'ob tumen Yuumtzile' bíinu ti'alinto'ob le lu'uma'; ba'ale' le máaxo'ob cu loolob t'anta'alo'ob tumen Yuumtzile' bíin xu'ulsa'aco'ob.

²³Yuumtzile' leti' nu'uctic u xíimbal wíinic, Yuumtzil xan cu dzáic ti' le bej tu'ux u najmal u máano';

²⁴quex tumen lúubuque', ma' bíin p'áatac luubuli', tumen Yuumtzile' u machmaj tu kab.

²⁵Tin máansaj in táanquelemil, bejela'e' dzo'oc innuxibtal; ba'ale' mix jun téen tin wilaj xúump'atta'an le utzilmáaco' mix tin wilaj u káat yaatzil u paalalo'obi'.

²⁶Je'el ba'alac kiine' cu ch'a'ic óotzilil yéetel cu dzáic ba'al majanil; u paalalo'obe' jun p'éel qui'iqui' t'aan u ti'al leti'.

²⁷Náachcuntabáa ti' le kaaso' beet xan le utzo'; beyo' bíin yanac teech mantadz jun p'éel cúuchil tu'ux a cajtal.

²⁸Tumen Yuumtzile', u yaacuntmaj ba'ax no'oja'an; ma' táan u xúump'attic le máaxo'ob u kubmajo'ob u yóolo'ob ti'e'; ba'ale' cu xu'ulsic le máaxo'ob kaas u cuxtalo'obo' yéetelma' xan tu p'atic ch'i'ilancabil ti'ob.

²⁹Le utzil máaco'obo' bíin u ti'alinto'ob le lu'uma'; ti' bíin cajlaco'ob u ti'al ja'abo'ob mina'an u xuul.

³⁰Le utzil máaco' cu t'aan yéetel na'at, tu chi' xane' cu jóokol no'oja'an t'aan.

³¹Tu pucsi'ikale' cu bisic u ca'anbesaj Yuumtzil; mix bikin bíin jacchajac u yooco'ob.

³²Le j loolob máaco' cu ch'úuctic le utzil máac yéetel u tuuculil u quíimsic;

³³ba'ale' ma' tun cha'abil u lúubul tu kab tumen Yuumtzil mix táan u cha'ic u ya'ala'al wa yaan u si'ipil.

³⁴Teche' kub a wóol ti' Yuumtzil yéetel u'uyaj t'aan, tumen leti' bíin u ca'analcunsech yéetel bíin u dzáa teech le lu'um a ti'alinto'. Yéetel a wicho'ob bíin a wil bix cun xu'ulsbil le j loolob máaco'obo'.

³⁵In wilmaj le loolob máac chuup yéetel ca'anal ichil, bix u bin u jayicubáa bey jun cúul che' ya'ab u kabo'obe';

³⁶ba'ale' j bine' ca j quíimi; tin caxtaje', ma' páatji in nuptáantiqui'.

³⁷Pact le utzil máac mina'an u si'ipilo': jéedzel bíin yanac ti' u cuxtal le máaco'.

³⁸Ba'ale' le j ma' u'uyaj t'aano'obo' bíin xu'ulsa'aco'objun puli'; u cuxtal le loolob máaco' cu bisic ti' xu'ulsajil.

³⁹U yáantaj le utzil máaco'obo' ti' Yuumtzil u taal, leti'e' u ta'acbesajil ti' le talam kiino'obo'.

⁴⁰Yuumtzil áantico'ob ca páatac u púudzulo'ob. cu beetic u púudzulo'ob ti' le loolob máaco'obo' yéetel cu toquico'ob, tumen ti' Yuumtzil tu caxtajo'ob áantajil.