Read Yucateco Salmos 39 Bible Online

Salmos 39 - Yucateco bible

Salmos 39

¹Tene' tin wa'alaj in canantic u tojil in cuxtal, u ti'al ma' in kebanchajal yéetel in waak. yéetel ca in canant ba'axo'ob quin wa'alic ca'aliquil yaan loolob máaco'ob tin táane'.

²Quin beetquinbáa tootil: ma' tin wa'alic mix ba'al. ¡Mix le ba'al utz quin wa'alico'! Ba'ale' in ki'inamile' cu bin u nojochtal;

³¡in puksi'ikale' táan u yelel tin tzeem! Iquil in tucultique', le káako' j t'a'ab ichilen, ca'a túun tin wa'alaj yéetel ka'am t'aan:

⁴Yuumtzil beet in wojéeltique' bix bíin dzo'ocoquen yéetel buca'aj u xooquil u ja'abilo'ob in j cuxtal. ¡in káat in wojéelte', buca'aj cóomil in cuxtal!

⁵A dzaamaj teen jun p'éel cuxtal jach cóom; mix ba'al in cuxtal ta táan. U cuxtal tuláacal wíinique' bey jun p'éel múus iike'.

⁶U cuxtal tuláacal wíinique', máan u ca'aj bey jun p'éel oochele'. Mix ba'al u biilal u nijcunsa'al ayikalilo'ob, tumen mix máac u yojel máax bíin p'áatac tu yéetelo'ob.

⁷Bey túuno', Yuumtzil, ¿ba'ax je'el u páajtal inpa'atique'? ¡In pa'atajile' ti' teech yaan!

⁸Toquen ti' in kebano'ob; ma' a cha'ic u p'a'astiqueno'ob le j ma' na'ato'obo'.

⁹Tin betimbáa tootil ma' xan tin je'aj in chi'e', tumen teech beetic tuláacal ba'al.

¹⁰Tzel ti' teen a jaadzo'ob; dzoca'an in wanil tu yo'olal u jaadzilo'ob a kab.

¹¹Teche' ca jóoksic máac ti' u kasa'anil iquil a jadzic, yéetel ca sutic ma'ay lu'umil le ba'al jach u yaacuntmaje'. ¡Tuláacal máaque' bey jun p'éel múus iike'!

¹²Yuumtzil, u'uy in payalchi'i', ¡ch'en xiquint in wáacamo'ob! ¡ma' a p'áatal x ma' t'aanil tu táan u ya'alilo'ob in wich! Tene', j táanxel lu'umilen a ti'al; beyen jun túul ch'íich' chéen máan u ca'aj, je'el bix in úuchben ch'i'ibalo'obo'.

¹³P'at túun a pactiquen, dzáa tu'ux in ch'a'ic in wiik ma'ili' xi'iquen ca in p'at le yóokolcaaba'.