Read Yucateco Salmos 4 Bible Online

Salmos 4 - Yucateco bible

Salmos 4

¹In Ku, in aj tocsajil, ¡le quéen in t'aneche', núuc in t'aani'! Teech máax ta dzáa in toj óolal ichil in mukyaj, ¡ch'a'a teen óotzilil, yéetel u'uy in payalchi'!

²Te'ex ca tuculticaba'ex nucuch dzuule'exe', ¿tac ba'ax kiin bíin xu'uluc a pohch'ique'ex in nojbe'enil? ¿tac ba'ax kiin bíin jáawac a dzíiboltique'ex yéetel a caxtique'ex le ba'ax mina'an u biilalo'?

³Ojéelte'exe', Yuumtzile' cu asab táan óoltic máax ocsaj óoltic; ojéelte'exe', Yuumtzile' cu yu'ubiquen le quéen in t'ane'.

⁴¡Quiquilanquilnaque'ex; ma' a kebanchajle'ex! Ca'aliquil chilicbale'exe', xakalte'ex a tuucule'ex;

⁵kube'ex a ti'ibil óolale'ex yéetel jaaj óolal, kube'ex a wóole'ex xan ti' Yuumtzil.

⁶Ya'ab máaxo'ob a'alic: ¿Máax bíin e'esic ti' to'on ba'ax utz? ¡Yuumtzil, pacto'on yéetel utzili'!

⁷Teche', dzo'oc a dzáic tin pucsi'ikal, u asabil qui'imac óolal ma' bey ti' le máaxo'ob yaan ya'ab trigo yéetel ya'ab vino ti'obo'.

⁸Tene' quin chital x ma' sajaquil, tu séeblaquil xan quin wenel, tumen teche' Yuumtzil, ca beetic in cuxtal x ma' sajaquil.