Read Yucateco Salmos 41 Bible Online

Salmos 41 - Yucateco bible

Salmos 41

¹Qui' yóol le máax cu tucultic le óotzilo'; yaan u to'ocol tumen Yuumtzil ichil le kaakas kiino'obo'.

²Yuumtzile' leti' cun áantic, yaan u dzáic cuxtal yéetel qui'imac óolal ti', way yóokolcaabe', ma' bíin u xúump'at ti' u yóolal u aj p'eeco'obi'.

³Yuumtzil cu dzáic muuk ti' tu kiinil ch'uyucbal tu kaan táan u mukyaj; ¡u koja'anile' yaan u su'utul toj óolalil!

⁴Tene' in wa'almaj: Yuumtzil ch'a'a teen óotzilil; dzaquen quex tumen kebanchaja'anen ti' teech.

⁵In aj p'eeco'obe' cu dzíiboltico'ob teen u asab kaasil ba'alo'ob, táan u ya'alico'ob: ¿Ba'ax kiin u quíimil ca páatac u tu'ubsa'al?

⁶Cu taalo'ob u yileno'ob, ba'ale' chéen j ca'a p'éelicho'ob; u ta'acmajo'ob tu tuuculo'ob tuláacal ba'al kaas, le quéen jóokoco'ob túune' cu dzáico'ob ojéeltbil.

⁷Le máaxo'ob u p'ecmajeno'obo' cu much'icuba'ob, cu t'aano'ob kaas tin wo'olal; cu tucultico'obe' táan in mukyaj tu yo'olal in keban,

⁸cu ya'alico'ob xan beya': U koja'anile' ti' Kaasil ba'al u taal; dzo'oc u chuquic u kaan, mix bikin bíin líikic tu ca'atéen.

⁹Tac in asab ma'alob éet óol, ti' máax in kubmaj inwóole', máax cu janal ca'ach tin wéetele', dzo'oc u suticubáa tin wóokol.

¹⁰Yuumtzil, ba'ale' teche', ch'a'a teen óotzilil; beet in líikil u ti'al in dzáic ti'ob ba'ax cu najmatico'ob.

¹¹Ti' lela' quin in kaj óolt utz in wanil ta táan: tumen ma' bíin a cha'a u dzáanche'etiquen in aj p'eequi'.

¹²Teeche' tu yo'olal ta canantajene' mix ba'al kaas j anji tin cuxtal. P'at in wantal mantadz ta táan.

¹³Qui'iqui' t'anta'ac Yuumtzil, u Junab Ku Israel, bejela'e', tac ti' kiino'ob mina'an u xuul. ¡Ca béeyac!