Read Yucateco Salmos 46 Bible Online

Salmos 46 - Yucateco bible

Salmos 46

¹Ti' Yuumtzil c ta'acbesajil, Yuumtzile' c muuk, cu dzáic ti' to'on áantajil ichil c yaayaj óolalil.

²Le o'olale' ma' sajaco'on quex ca quíilbanac le lu'uma', quex ca búuluc le pu'uco'ob tu taamil le ka'anabo',

³quex juumnac le ka'anabo' quex xan ca juumnac u ja'ilo'ob, quex ca quíilbanac le pu'uco'ob yéetel u p'uja'anilo'obe'.

⁴Jun p'éel áalcab ja' yéetel u xa'ayilo'obe' cu qui'imaccunsic u yóol u noj caajil Yuumtzil, u quili'ich caajal le J sen ca'analo'.

⁵Yuumtzile' ti' yaan tu chúumuc u caajale', Leti' bíin lat'ab ka'abtic; Yuumtzil áantic líikbal u sáastal.

⁶Le múuch' caajo'obo' cu péec u yóolo'ob, le ajawo'obo' cu quiquilaanquilo'ob, le lu'uma' cu yíibil quéen t'aanac Yuumtzil.

⁷¡Yuumtzil ti' máax yaan tuláacal páajtalile' ti' yaan t éetele'! ¡U Junab Ku Jacobe' leti' c ta'acbesajil!

⁸Co'otene'ex a wile'ex le jak óol ba'alo'ob u beetmaj Yuumtzil te j lu'uma':

⁹Dzo'oc u dzáic xuul ti' le ba'atelo'ob tuláacal tu'ux yóokolcaab; dzo'oc u cachic le julubo'obo', dzo'oc u xe'exe'et'ic le lóomte'obo', ¡dzo'oc u tóoquic u bolanilo'ob le ba'atelo'!

¹⁰¡Jedzcuntaba'ex! ¡Kaj óolte'exe', teen Junab Kuen! ¡Ti' yanen tu yóokol le múuch' caajo'obo'! ¡Ti' yanen tu yóokol tuláacal le lu'uma'!

¹¹¡Yuumtzil ti' máax yaan tuláacal páajtalile' ti' yaan t éetele'! ¡U Junab Ku Jacobe' ti' leti' c ta'acbesicbáa!