Read Yucateco Salmos 5 Bible Online

Salmos 5 - Yucateco bible

Salmos 5

¹Yuumtzil, in ajaw, in Junab Ku, u'uy le t'aano'ob quin beetica', táan óolt in wáacamo'ob, ch'en xiquint in káat óolalo'ob, tumen ti' teech quin payalchi'.

³Tu ja'atzcab kiinile' ca wu'uyic táan in t'aan; piknal u bin sáastale' quin wa'alic ti' teech ba'ax cuyúuchul ti' teen; quin p'áatal in pa'at a núuquic in payalchi'.

⁴Teche' ma' jun túulech Ku utz tu yóol ba'ax kaasi'; le loolob máaco'obo', ma' tu páajtal u cajtalo'ob ta tzéel,

⁵mix ta táan yaan cúuchil u ti'al le j ca'anal icho'obo'. Teche' a p'ectmaj le loolob máaco'obo',

⁶ca ch'éejsic le máaxo'ob cu tuuso'obo', ma' xan ta kamic le j ca'a p'éel icho'ob yéetel le quíimsaj wíinico'obo'.

⁷Ba'ale' tene', tu yo'olal a nojoch yaabilaje', cu páajtal in wocol ichil a kulnaj; ¡cu páajtal in kultiquech tu yéetel tuláacal tziiquil ca'aliquil táan in paacat tu tojil a quili'ich kulnaj!

⁸Yuumtzil, tu yo'olal in aj p'eeco'obe', tojquint in xíimbal tu tojil a ti'ibil bejil, bisen ti' le ma'alob bejo'.

⁹Leti'obe' ma'atech u t'aano'ob jaaj óolal; ¡tu' yanil u pucsi'ikalo'ob! U caalo'obe' je'ekab yanil bey mucnale'; ¡tuuso'ob cu jóokol tu chi'ob!

¹⁰¡In Junab Ku jadzo'ob! ¡Beet u xi'ic kaasil ti' u mucul t'aano'ob! Sut a paach ti'ob tu yo'olal u ya'abcach kebano'ob, tumen dzo'oc u j ma' u'uyaj t'antiquecho'ob.

¹¹Qui'imacchajac u yóolo'ob máaxo'ob caxantic a wáantaj; kaaynaco'ob mantadz yéetel qui' óolal tumen teechcanantico'ob. Le máaxo'ob yaabiltmaileche', cu qui'imacchajal u yóolo'obta wo'olal,

¹²tumen teche' Yuumtzil ca qui' t'antic máax u yoquesmaj u yóol ti' teech; bakpachta'an tumen a wutzil.