Read Yucateco Salmos 53 Bible Online

Salmos 53 - Yucateco bible

Salmos 53

¹Le ma' na'ato'obo' cu tucultico'obe' Mina'an Ku: tuláacalo'obe' dzo'oc u kastalo'ob, dzo'oc u beetico'ob ba'alo'ob kaastaco'ob; ¡mina'an mix máac ca u beet le ba'ax utzo'!

²Líikbal te j ca'ano' Yuumtzile' cu pactic le máaco'obo' u ti'al ca u yil wa yaan máax yaan u na'at ca u caxant Ku.

³Ba'ale' tuláacalo'obe' dzo'oc u kéechelo'ob, dzo'oc u láaj queet kastalo'ob tuláacalo'ob; ¡mina'an mix máac ca u beet le ba'ax utzo'! ¡mina'an mix quexi' jun túule'!

⁴Mina'an u na'at le loolob máaco'obo', le máaxo'ob cu jaantico'ob in caajal bey je'el bix máax cu jaantic waaje', le máaxo'ob ma' tu ch'a'a chi'itico'ob u kaaba' le Yuumtzilo'.

⁵Quex tumen mina'an u ba'ax o'olalil u ti'al quiquilaanquile', leti'obe' yaan u quiquilaanquilo'ob yéetel sajaquilil, tumen Yuum Kue' cu ki'itbesic u baaquelo'ob u aj p'eeco'ob. Bíin p'áataco'ob ti' x ma' subtalil, tumen cu cúulpachcunta'alo'ob tumen Ku.

⁶¡Quexi'i te tu pu'uquil Siono' ca talac u tocsajil Israel! Le quéen u beet Yuumtzile' u kexpajal bix yanil u caajal, bíin qui'imacchajac u yóol u ch'i'ibalo'ob Jacob, tuláacal u caajil Israel.