Read Yucateco Salmos 54 Bible Online

Salmos 54 - Yucateco bible

Salmos 54

¹[3] ¡Tu yo'olal a kaaba'e', in Junab Ku, toqueni'! ¡Toquen yéetel a páajtalil!

²U'uy in payalchi' in Ku; ch'en xiquint in t'aano'ob,

³tumen le wíinico'ob cu nojba'alcunticuba'ob yéetel séeba'an p'ujulo'obe' dzo'oc u tucultico'ob u taalo'ob tin wóokol u káato'ob xan u quíimseno'ob. ¡Mina'an Ku tu tuuculo'ob!

⁴Ba'ale' Kue' cu yáantiquen; Yuumtzil dzáic teen cuxtal.

⁵Leti'e' yaan u beetic u suut u kasa'anil in aj p'eeco'ob láili' tu yóokolo'obe'. ¡Xu'ulso'ob Yuumtzil, tumen teche' toj ba'ax ca beetic!

⁶Tene' tin jun óolal bíin in dzáa teech quiimsbil ti'ibil óolalo'ob, yaan xan in qui'iqui' t'antic a kaaba', tumen teche' utzech,

⁷tumen tu tocajen xan ti' tuláacal in mukyajo'ob dzo'oc xan in wilic in aj p'eeco'ob dzáanche'eta'ano'ob.