Read Yucateco Salmos 56 Bible Online

Salmos 56 - Yucateco bible

Salmos 56

¹[4] In Ku ch'a'a teen óotzilil, tumen yaan wíinico'ob táan u ch'a'apachtiqueno'ob; láaj súutuc cu taalo'ob u beeto'ob teen loob, táan u yedziqueno'ob.

²Láaj súutuc cu ch'a'apachtiqueno'ob le máaxo'ob u p'ecmajeno'obo'; ya'ab le máaxo'ob cu taalo'ob tin wóokol yéetel ca'anal ichilo'.

³Le quéen in wu'uy saajaquile', quin dzáic in wocsaj óol ti' teech.

⁴Quin kubic in wóol ti' Yuum Ku, yéetel quin qui'iqui' t'antic u t'aan; quin wocsic in wóol ti' Yuum Ku, mix xan sajaqueni'. ¿Ba'ax je'el u páajtal u beetic jun túul wíinique'?

⁵Láaj súutuc cu beetico'ob teen loob yéetel u t'aano'ob; chéen táan u tucultico'ob u beetico'ob teen loob.

⁶Baláambáil u máano'ob tuláacal tu'ux. táan u yilico'ob tu'ux quin máan; chéen táan u pa'atico'ob u súutuquil u quíimsiqueno'ob.

⁷¿Je'el wa u páajtal u jechcuba'ob ti' u kasa'anilo'obe'? Ku cabalcunt u yóol le caajo'ob yéetel a p'uja'anilo'.

⁸Teech bisic u xooquil in púudzulo'ob; teech kamic u ya'alilo'ob in wich. ¿Ma' wa a dzíibtmajo'ob ti' a ju'unili'?

⁹In aj p'eeco'obe' yaan u sutic u paacho'ob u binbalo'ob, le quéen in káat ti' teech áantaje'. Tene' jach ma'alob in wojelil Yuum Kue' ti' yaan tin wéetele'.

¹⁰Quin wocsic in wóol ti' Yuum Ku quin qui'iqui' t'antic xan u t'aan; quin wocsic in wóol ti' Yuumtzil yéetel quin qui'iqui' t'antic u t'aan;

¹¹mina'an teen sajaquilil, in wocsic in wóol ti' Yuum Ku. ¿Ba'ax je'el u páajtal u beeticten jun túul wíinique'?

¹²Ku, le dzaa t'aano'ob tin beetaj techo', bin in caaj in dzo'ocbes yéetel qui'iqui' t'aano'ob.

¹³tumen dzo'oc a toquiquen ti' le quíimilo', bey xan ti' le lúubulo', u ti'al ca xíimbalnaquen ti' u sáasilil cuxtal tu táan Yuum Ku.