Read Yucateco Salmos 58 Bible Online

Salmos 58 - Yucateco bible

Salmos 58

¹Te'ex, le yaan a páajtalile'exo', ¿jach wa tu jaajil ca dzáique'ex ba'ax cu najmatic wíinic yéetel ca beetique'ex ma'alob p'is óolal?

²Ma' beyi', te'exe' yéetel kaakas tuucul ca beetique'ex; ca je'ique'ex u bej uti'al meyaj loob te j caajo'obo'.

³Le loolob máaco'obo' cu kastalo'ob líikbal ich jobnel; le j tuuso'obo' cu kéechel u beelo'ob ma'ili' síijico'obe'.

⁴Cu quíimsajo'ob beyo'ob j chi'ibal caane'; beyo'ob jun túul loolob caan cu quíimsaje' cu beeticubáa cóoquil, cu pixico'ob u xiquino'ob

⁵u ti'al ma' u yu'ubic u paax le máax satic u yóolo', le máax jach ma'alob u yojel u sat u yóol le caano'.

⁶In Ku, cach u cojo'ob. Yuumtzil cach u dza'ayo'ob le leóno'obo'.

⁷Ca samkajco'ob, je'el bix u sa'ap'al ja'e', ca tijico'obe' je'el bix u tijil u xíiwil le bejo';

⁸ca yíibico'ob jeel bix u yíibil le jub tu kab u chi'o', ¡je'el bix le chaan pal cu síijil ma' tu kiinile', yéetelmix bikin tu yilaj sáasile'!

⁹ca'a eleco'ob bey ki'ixo'ob ma'ili' u yojéelto'ob ba'ax cunj úuchule'; ca jo'ococo'ob yéetel kuuxilil je'el bix u jo'ocol áak xíiwe'.

¹⁰Le máax chuca'an u yóole' cu qui'imactal u yóol lequéen u yil dzo'oc u su'utul u jeel le kaas beeta'ab ti'o'; yaan u ma'alob ch'ulic u yooc yéetel u ki'ikel le j loolob máaco'.

¹¹Yaan u ya'alic túune'; ¡Yaan u náajalil u chuca'an óol máac! yaan jun túul Junab Ku cu p'is óoltic le yóokolcaaba'.