Read Yucateco Salmos 61 Bible Online

Salmos 61 - Yucateco bible

Salmos 61

¹In Yuumtil ch'en xiquint in awato'ob ichil in yaj óolal, ¡táan óolt in payalchi'!

²Líikbal tu xuul u naklil le lu'ama', ti' teech quin káat óolal, tumen in pucsi'ikale', táan u lúubul u yóol. Dzáen ti' tocsajil tu yóokol jun p'éel nojoch ca'anal tuunich,

³tumen teech in ta'acbesajil; ¡beyech jun p'éel mu'uka'an tuulume', cu toquiquen ti' in aj p'eec!

⁴In káat cajtal mantadz ta wotoch, balanen tu yáanal a xiiko'ob.

⁵In Ku, teche' dzo'oc a wu'uyic in séebchi'ob, yéetel dzo'oc a dzáic teen le ba'ax cu ti'alintic le máaxo'ob tziquic a kaaba'.

⁶Dzáa chowac cuxtal ti' le ajawo'; ca cuxlac ya'ab ja'abo'ob, ya'abcach ja'abo'ob,

⁷yéetel ca ajawnac mantadz yéetel qui' t'aan. Canant yéetel a yaacunaj, bey xan yéetel a suuc óolal.

⁸Beyo' je'el in qui'iqui' t'antic a kaaba' mantadze', bey xan je'el in dzo'ocbesic in dzaa t'aano'ob sáamsamale'.