Read Yucateco Salmos 63 Bible Online

Salmos 63 - Yucateco bible

Salmos 63

¹¡Kue' leti' u qui'imac óolal máac Junab Ku, teech in Ku! táan in caxtiquech yéetel yanyamil, tumen ukajen ti' teech; tuláacalilen táan u dzíiboltiquech, bey je'el bix le tiquin lu'um x ma' ja'ilo' yéetel x ma' cuxtalilo'.

²¡In káat in wilech ta quili'ich najil u ti'al ca in pact a páajtalil yéetel a nojbe'enil,

³tumen a yaacunaje' asab co'oj ti' le cuxtalo'! Yéetel in chi' yaan in qui'iqui' t'antiquech;

⁴tuláacal u kiinil in cuxtal yaan in wutzil t'antiquech, ti' teech quin in líikes in kabo'ob ich payalchi'.

⁵Yaan u na'ajtal u yóol in pixan, je'el bix le máax cu jaantic jun p'éel qui'iqui' janale'; in chi'e' yaan u qui'iqui' t'antiquech yéetel qui' óolal.

⁶Ti' le áakabo'ob ca'aliquil chilicbaleno', quin ka'ajsiquech yéetel quin tucultiquech;

⁷tumen teech máax áantiquen. Qui'imac in wóol yanilen tu yáanal a xiiko'ob.

⁸Tuláacal in cuxtal taakal yanil ti' teech; a x no'oj kab canantiquen.

⁹Le máaxo'ob u káato'ob u quiimseno'obo' yaan u lúubulo'ob tu taamil le mucnalo';

¹⁰¡yaan u quíimilo'ob tu yej máascab yéetel yaan u lu'ukul u wíinclilo'ob tumen u peekilo'ob káax!

¹¹Ba'ale' le ajawo' yaan u qui'imactal u yóol ti' Yuum Ku; tuláacal le máaxo'ob cu ch'a'a chi'itico'ob u kaaba' Yuumtzile' yaan u kayico'ob qui'iqui' t'aano'ob; ba'ale' le máaxo'ob cu tuuso'obe' yaan ma'acal u chi'ob.