Read Yucateco Salmos 65 Bible Online

Salmos 65 - Yucateco bible

Salmos 65

¹U Kuil Sión, ¡teche' ca najmatic qui'iqui' t'aan! ¡teche' ca najmatic ca dzo'ocbesa'ac le ba'ax cu dzaa t'anta'alo',

²tumen ca wu'uyic payalachi'! Tuláacal yóokolcaab cu taal ti' teech.

³C kasa'anilo'obe' cu dzáancha'atico'on, ba'ale' teche' ca sa'atsic to'on le kebano'obo'.

⁴Qui' u yóol le máax ca yéeyico' yéetel ca bisic ca cajlac naadz ti' teech te tu najilo'ob kulnaj. Chupo'on xan yéetel u asab ma'alob ba'alilo'ob a wotoch, yéetel u quili'ichil a kulnaj.

⁵C Ku yéetel c tocsajil, teche' ca núuquico'on yéetel jak óolbe'en ba'alo'ob ca beetic je'el bix unaje'; u túulisil le lu'uma' u kubmaj u yóol ti' teech, bey xan le ka'anab yaan náachilo'.

⁶Teche' ca p'atic jejedzquil le pu'uco'obo'. yéetel a páajtalil bey xan yéetel a muuk

⁷Teche' ca jedzcuntic u juum le cu cuclil le ja'o', bey xan u p'uja'anil le caajo'obo';

⁸tac xan le caja'ano'ob ti' le náachil lu'umo'obo' cu quiquilaanquilo'ob tu táan a jak óolbe'en meyajo'ob; ta wo'olale' yaan u yaawtico'ob qui'imac óolal te j lakino', bey xan te j chikino'.

⁹Teche' ca canantic le lu'umo'; ca túuxtic le ja' ti'o' yéetel ca beetic u dzáic u yich; teech yéetel u ja'il áalcab ja'obe' ca beetic u ch'íijil u paklil le trigoo'. ¡Bey a nu'ucbesic u cúuchil le paakalo'!

¹⁰Teche' ca po'och'ultic tu'ux cu pa'akal le i'inajo', ca chupic yéetel ja' beecanilo'ob; ca dzu'ubalcunsic yéetel ya'abcach cháac yéetel ca qui'iqui' t'antic u yicho'ob.

¹¹Teche' ca túul chuptic le ja'ab yéetel qui'iqui' t'aano'obe', a múuyalo'obe' cu wequico'ob ya'abcach utzil;

¹²u xíiwilo'ob x tocoy lu'ume' ya'axtaco'ob; le pu'uco'obo' cu jadzutz búucbescuba'ob;

¹³le táatax lu'umo'obo', cu chu'upulo'ob yéetel jtamano'ob, le kóom táax lu'umo'obo' cu búucbesicuba'ob yéeteltrigoo'; ¡tuláacalo'ob cu kaayo'ob yéetel cu yawato'ob qui'imac u yóolo'ob!