Read Yucateco Salmos 67 Bible Online

Salmos 67 - Yucateco bible

Salmos 67

¹Ku, ch'a'a to'on óotzilil yéetel qui'iqui' t'anto'oni'; pacto'on yéetel utzil óolal,

²u ti'al beyo' tuláacal u múuch' caajilo'ob le lu'uma' ca u kaj óolto'ob a wóolaj yéetel a tocsajil.

³Ku qui'iqui' t'anta'aquech tumen le caajo'obo'; ¡tuláacal le caajo'ob ca u qui'iqui' t'antecho'ob!

⁴U múuch'ul le caajo'obo', ca awatnaco'ob yéetel qui'imac óolal, tumen teech ca beetic a jalachil yéetel tojil tu yóokol le caajo'obo'. ¡teech nu'uctic u múuch' caajilo'ob le yóokolcaaba'!

⁵Ku, qui'iqui' t'anta'aquech tumen le caajo'obo'; ¡tuláacal le caajo'obo' ca u qui'iqui' t'antecho'ob!

⁶Le lu'uma' dzo'oc u dzáic teech u yich; ¡c Yuum Kue' dzo'oc u qui'iqui' t'antico'on!

⁷¡Kue', u qui'iqui' t'anto'on! ¡Le yóokolcaab tu túulisilo', ca u dzáa tziiquil ti'!