Read Yucateco Salmos 70 Bible Online

Salmos 70 - Yucateco bible

Salmos 70

¹In Ku, ¡co'oten a toquen! Yuumtzil, ¡co'oten tu séeblaquil a wáanten!

²¡Ca dzabaco'ob ich subtzilil le máaxo'ob u káato'ob u quíimseno'obo'! ¡Ca púudzuco'ob le máaxo'ob u káato'ob u beeto'ob teen kaaso'!

³¡Ca púudzuco'ob sublactaco'ob le máaxo'ob cu p'a'astiqueno'obo'!

⁴Ba'ale' tuláacal le máaxo'ob cu caxtiquecho'obo' ca chu'upuco'ob yéetel qui'imac óolal; le máaxo'ob cu dzíiboltico'ob a tocsajilo' ca u ya'alo'ob mantadz: ¡Junab Kue' nojoch!

⁵In Ku, ti' teen óotzilen yéetel táan in mukyaje', ¡co'oten tu séeblaquil u ti'al a wáanten! Teech máax áantiquen yéetel jáalkabtiquen; ¡ma' a xáantal Yuumtzil!