Read Yucateco Salmos 8 Bible Online

Salmos 8 - Yucateco bible

Salmos 8

¹Yuumtzil, sen nojoch a jalachil t óokol; ¡a kaaba'e' qui'ichquelem tu yóokol tuláacal le lu'uma'! ¡nojbe'enile' cu píitmáan náachil ti' le ca'ano'!

²Yéetel u qui'iqui' t'aan le mejen paalalo'obo' ta nu'ucbesaj jun p'éel mu'uka'an balbáil tu yo'olal le máaxo'ob p'ectmailecho', u ti'al a maquic u chi' le máaxo'ob ma' tu bisicuba'ob ta wéetelo', bey xan le máaxo'ob p'ectmailecho'.

³Le quéen in líikes in wich u ti'al in pactic le ca'an ta beetajo', bey xan le uj yéetel le eeko'ob ta dzaj te'elo',

⁴quin kuchul in tucult: ¿Ba'ax le máac u ti'al ca a ka'ajeso'? ¿Ba'ax le wíinic u ti'al ca a táan óolto'?

⁵Le máaca' ta beetaj óoli' bey jun túul kue'. Ti' leti' ta dzaj ya'ab tziiquil bey xan nojbe'enil;

⁶ta dzaj u méektáant u meyajilo'ob a kab, ta dzaj tu yóokol tuláacal ba'al:

⁷tu yóokol j tamano'ob bey xan tu yóokol wacaxo'ob, tu yóokol u ba'alche'ilo'ob káax;

⁸tu yóokol le ch'íich'o'ob cu xiknalo'obo', tu yóokol le cayo'ob cajacbalo'ob ichil le ka'anabo'; tu yóokol tuláacal ba'al cu máan ichil le ka'anabo'.

⁹Yuumtzil sen nojoch a jalachil t óokol, ¡a kaaba'e' qui'ichquelem tu yóokol tuláacal le lu'umo'!