Read Yucateco Salmos 83 Bible Online

Salmos 83 - Yucateco bible

Salmos 83

¹In Ku, ¡ma' u p'áatal a maacal a chi'! ¡ma' a p'áatal x ma' péequil mix ma' t'aanil!

²Ile a aj p'eeco'obe', le máaxo'ob p'ecmailecho': cu p'u'ujsajo'ob yéetel cu bino'ob ta wóokol.

³Dzo'oc u jok jo'oltico'ob ba'alo'ob tu yóokol a caajal, ¡tu yóokol máaxo'ob ca wáantico'ob!

⁴Dzo'oc u tucultico'ob u taalo'ob u xu'ulso'ono'ob beymúuch' caaje' u ti'al ma' u ka'ajsa'al mix bikin u kaaba' Israel.

⁵Dzo'oc u beetico'ob jun p'éel nup t'aan ta wóokol, dzo'oc u queetchajal u tuuculo'ob bey jun túulili' máaque';

⁶le yano'ob tu cajtalilo'ob Edom yéetel Ismaelo', le u ch'i'ibalo'ob Agar yéetel Moabo',

⁷Gebal Amón yéetel Amalec, le filisteobo', le máaxo'ob caja'ano'ob Tiroo',

⁸yéetel bey xan le asiriobo' dzo'oc u nupicuba'ob tu yéetelo'ob, lelo'oba' leti'ob u muuk u kab u paalal Lot.

⁹Beet ti' leti'obe' je'el bix ta beetaj yéetel Madiane', je'el bix ta beetaj yéetel Sisarae', je'el bix ta beetaj yéetel Jabín te tu chan áalcab ja'il Cisono',

¹⁰le máaxo'ob j xu'ulsa'abo'ob Endoro' ¡le máaxo'ob j maaba'alcunsa'ab u wíinclilo'ob j lu'um!

¹¹Beet yéetel u jalach wíinico'obe' je'el bix ta beetaj yéetel Orebe', je'el bix ta beetaj yéetel Zeebe'; beet yéetel u noj poolilo'ob je'el bix ta beetaj yéetel Zebae' bey xan yéetel Zalmutae',

¹²máaxo'ob tu yóoltajo'ob u toc ti'alinto'ob le u lu'umilo'ob su'uc u ti'al Kuo'.

¹³In Ku ki'itbeso'ob je'el bix u picta'al tiquin le'ob tumen iike',

¹⁴je'el bix káak cu tóoquic le ju'uche'obo', cu jabic xan le nucuch káaxo'ob, yéetel u tóoch'bal káakilo'ob,

¹⁵¡ch'a'apachto'ob yéetel moson iik, ja'akes yóolo'ob xan yéetel chac ikalo'ob!

¹⁶¡Beet u ch'a'ico'ob subtal, Yuumtzil, u ti'al ca u caxtiquecho'ob!

¹⁷Ca pa'ajac u subtalo'ob u ti'al mix bikin; ¡ca pa'ajac u subtalo'ob ca xan quíimico'ob!

¹⁸¡Ca u yojéelto'ob chéen teech Junab Kuech, tumen chéen teech le Aj Sen Ca'anal tu yóokol le lu'uma'!