Read Yucateco Salmos 84 Bible Online

Salmos 84 - Yucateco bible

Salmos 84

¹¡Buca'aj qui'ichquelmil a quili'ich naj, u Yuumtzilil tuláacal páajtalil!

²¡Buca'aj in yanyantic yéetel in dzíiboltic in wantal tu sujuy táancabilo'ob a kulnaj! ¡Yéetel tuláacal in pucsi'ika'al quin kay ti' cuxa'an Junab Ku!

³Tac le xooxil yéetel le x cosamo' cu caxtico'ob tu'ux u dzico'ob ku'ob naadz ti' u multunil a kulta'al tu'ux xan cu tóop'sico'ob u mejnilo'ob, u Yuumtzilil tuláacal páajtalil, in ajaw, in Yuum Ku.

⁴¡Buca'aj qui'imaquil u yóolo'ob le máaxo'ob caja'ano'ob ta wotocho', mantadz xan cu qui'iqui' t'aniquecho'obo'!

⁵¡Buca'aj qui'imaquil u yóolo'ob le máaxo'ob cu nuptáantico'ob áanatajil ti' teech le máaxo'ob cu dzíiboltico'ob u bino'ob tac ta kulnaj!

⁶Le quéen máanaco'ob tu'ux cu yúuchul okole', cu sutico'ob bey u sayabil ja'e', tumen le káaxabil ja'o' yaan u chupic yéetel qui'iqui' t'aano'ob;

⁷táan u bin u yantal u muuko'ob, tu caajil Sione' bíin u yilo'ob le Aj Sen Nojoch Kuo'.

⁸Yuumtzil u Ku le ba'atel máaco'obo', ¡u Ku Jacob u'uy in payalchi'i'!

⁹Yuum Ku, c áantajil ma'alob pact le máax ta yéeyaj u ti'al u beet u ajawilo'.

¹⁰¡Asab co'oj ca yanac máac tu sujuy táancabilo'ob a kulnaj ma' ca ti'anac mil ja'abo'ob táanxel cúuchilo'ob! Quin táanilcuntic ca in beet in canan jool najil tu najil in Ku ma' ca cajlaquen tu cúuchilo'ob kasa'anil.

¹¹Tumen Yuum Kue', cu sáasilcuntico'on yéetel cucanantico'on; le Yuumtzilo' cu yaacuntic yéetel cu dzáic tziiquil ti' le máaxo'ob cu cuxtalo'ob x ma' si'ipil, ma' xan táan u p'áatal ma' u dzáic ma'alob ba'al ti'ob.

¹²U Yuumtzil ba'atel máaco'ob, ¡buca'aj utzil yanil máaxo'ob cu kubic u yóolo'ob ti' teech!