Read Yucateco Salmos 85 Bible Online

Salmos 85 - Yucateco bible

Salmos 85

¹Yuumtzil, teche' jach sen utzech yéetel le lu'uma'. ¡Dzo'oc a sutic le qui'iqui' t'aan ti' Jacobo';

²dzo'oc a sa'atsic u kasa'anil a caajal, bey xan tuláacal u kebano'ob; dzo'oc a chuca'an jáawsic u kasa'anil a caajal bey xan tuláacal u kebano'ob;

³dzo'oc a chuca'an jáawsic a kuuxil, bey xan a p'uja'anil.

⁴C Ku yéetel c tocsajil, toco'on xan bejela'e' ma' xan a p'áatal p'uja'anech t éetel.

⁵¿Yaan wa a xáancuntic mantadz a p'uja'anil t óokol? ¿Yaan wa a chowaccuntic a kuuxilil yóokol tuláacal c ch'i'ibal?

⁶¿Ma' táan wa a suut a dzáa to'on cuxtal u ti'al ca qui'imacchajac u yóol a caajal ta wo'olal?

⁷In Yuumtzil, ¡e'es to'on a yaacunaj yéetel toco'oni'!

⁸Yaan in wu'uyic le ba'ax cu bin u ya'al teen le Yuumtzilo': tumen u ca'aj t'aan tu yo'olal jéedzel óol ti' u caajal, ti' le máaxo'ob u kubmajo'ob u yóolo'ob ti'e', tu yo'olal ma' u suut u beeto'ob chéen choco pool ba'alo'ob.

⁹Tu jaajile' jach utz yanil Ku u ti'al u toc máaxo'ob tziquic; u nojbe'enile', bíin cajlac ti' le c lu'uma'.

¹⁰Le yaacunaj yéetel le jaajo' yaan u núup t'aanticuba'ob, le jéedzel yéetel le tojilo' yaan u dzu'udzicuba'ob,

¹¹le jaajo' yaan u xíitil ti' le lu'uma', le tojil xano' yaan u paacat likbal te j ca'ano'.

¹²Yuumtzile' leti' cu bin u beet káaxal ja', le c lu'um túuna' yaan u dzáic u yich.

¹³Le tojilo' yaan u bin táanil ti'; leti' cu bin u nu'ucbes le bejo'.