Read Yucateco Salmos 99 Bible Online

Salmos 99 - Yucateco bible

Salmos 99

¹¡Yuumtzile' leti' ajaw! leti'e' ti' yaan tu jalach káanche' tu yóokol le querubino'obo'. Cu quiquilaanquil le múuch' caajo'obo', bey xan tuláacal le lu'uma'.

²Yuumtzile' nojoch te tu pu'uquil Siono'; Yuumtzile' ca'anal yanil tu yóokol tuláacal caajo'ob.

³Qui'iqui' t'anta'ac u nojoch yéetel tzicbe'en kaaba'; ¡Junab Kue' quili'ich!

⁴Teche' jun túulech ajaw sen yaan u páajtalil, ca yaacuntic le tojilo', ta dzaj queetil. Ca bisic u paalal Jacobe' yéetel utzil bey xan yéetel tojil.

⁵¡Quili'ich t'ante'ex Yuumtzil c Junab Ku; xolene'ex tu ni' u yooc! ¡Yuum Kue' quili'ich!

⁶Moisés yéetel Aarone' xoca'ano'ob ichil u aj kiino'ob; Samuele' ti' yaan ichil le máaxo'ob qui'iqui' t'antic u kaaba'e'. Cu núuca'alo'ob tumen Yuumtzil le quéen u káato'ob áantaje'.

⁷Kue' j t'aanaj tu yéetelo'ob likbal tu ca'anal múuyalo'; leti'ob xane'; tu dzo'ocbeso'ob u dzaa t'aano'ob bey u ya'almaj t'aano'ob u dzaamaj ti'obo'.

⁸Yuumtzil c Junab Ku, teche' ta núucajo'ob; ta betabáa u ti'alo'ob, jun túul Ku cu sa'atsaj si'ipil, ba'ale' ta jadzajo'ob tu yo'olal u kasa'anilo'ob.

⁹Qui'iqui' t'ante'ex Yuumtzil c Junab Kuo'. ¡Xolene'ex tu táan u quili'ich pu'uc! c ¡C Kue Yuumtzile' leti'e' quili'ich!