Read Yucateco Proverbios 21 Bible Online

Proverbios 21 - Yucateco bible

Proverbios 21

¹U tuucul ajawe', tu kab Yuumtzile', bey áalcab ja'e', cu bin tu beel je'el tu'ux u káat Yuumtzile'.

²Wíinique' ma'alob u yilic tuláacal ba'ax cu beetic, ba'ale' Yuumtzile' a'alic wa no'oja'an ba'ax cu tuclic.

³Beet ba'ax utz yéetel ba'ax ti'ibil, tumen Kue' leti' jach u káat ti' quíimsbil ba'alche'obi'.

⁴Ca'anal ichil, yéetel nonoj báil tuucule'; u sáasil le loolob máaco'obe' kebano'ob.

⁵Ba'axo'ob cu ma'alob tuculta'alo'obe' ma'alob u jóokolo'ob; ba'axo'ob chéen jomoch beetbile' ma' utz jóokoli'.

⁶Ayikalilo'ob cu yantal yéetel tuuse', máanbal waya'as u ti'al le máaxo'ob cu caxtico'ob quíimil.

⁷J loolob wíinico'obe' bíin xu'ulsa'aco'ob tumen u kasa'anilo'ob, tumen ma' tu yó'otajo'ob u beeto'ob ba'ax ti'ibili'.

⁸U cuxtal loolob wíinique' keechel ma' xan jeedzeli'; ba'axo'ob cu beetico'ob utzul máaco'obe' utztaco'ob.

⁹U yúuchul cajtal naklic tu yóokol jun p'éel naje', asab utz ti' yúuchul jaajtal yéetel jun túul co'olel x caxan ba'atel, ti' jun p'éel noj naj.

¹⁰J loolob wíinique' chéen cu tucultico'ob u beetico'ob loob; ma'atech u yilic yéetel yaabilaj u yéet wíiniquil.

¹¹Iquil u ja'adzal le j ma' subtalo', cu canbal le j ma' tuuculo'; aj ojéelaje' cu canbal chéen yéetel tzol xiquin.

¹²Ku aj ti'ibile' cu pactic u yotoch le j loolob wíinico'; cu kubic xan le j loolob wíinic cu kubic u ti'al nakan óotzilil.

¹³Máax ma' tu yu'ubic u káat óolal le óotzile' Le quéen u káat áantaje' ma' bíin u'uyaqui'.

¹⁴Le siibal cu dza'abal yéetel jaaj óolale' tac nojoch p'u'ujul cu jóomsic u yóol.

¹⁵Le kiin cu beeta'al ba'ax no'oja'ane' aj ti'ibil cuxtale' cu qui'imactal u yóol, ti' le j loolob wíinico'obo' cu bin kaasil ti'ob.

¹⁶Máax ma' tu cuxtal yéetel jun p'éel tuucul toje', bíin xi'ic tu cúuchil le quimeno'obo'.

¹⁷Le máax cu kubic u yóol ti' cha'ano'ob, ti' cáaltalo'ob wa ti' qui'ibocquinticubáe' bíin dzo'ococ ich óotzilil.

¹⁸Aj tuuso'ob yéetel aj loobo'obe' bíin mukyajnaco'ob tu yo'olal aj ti'ibil bejo'ob bey tu yo'olal aj tzicbe'eno'obo'.

¹⁹U yúuchul cajtal ti' x tocoy lu'ume', asab utz ti' u yúuchul cajtal yéetel jun túul co'olel séeb u p'u'ujul yéetel x caxan ba'atel.

²⁰Tu yotoch aj ojéelaje' yaan ayikalil yéetel qui'iboc ba'alo'obi', ba'ale' le j ma' ojéelajo' cu láaj xupic ba'ax yaan ti'.

²¹Máax cu p'iscubáa toj cuxtal yéetel chuca'an óolale', cu nuptáantic cuxtal yéetel tziiquil.

²²Aj ojéelaje' cu bin ba'atelt jun p'éel caaj ma'alob cananta'alil, cu pa'ic le páajtalil yaan ichilo'.

²³Le máax cu canantic u yaake', mix bikin bíin u yocsubáa ich talamil.

²⁴J nonoj báil, j ca'anal ich yéetel ti' j ma' subtal, cu ya'ala'al ti' máax cu t'aan yéetel nonoj báil.

²⁵Dzíibolal quíimsic máakol, tumen u kabo'obe' ma' tu yóoltico'ob j meyaj;

²⁶bul kiin cu máansic táan u dzíibolaj. Ba'ale' aj ti'ibil beje' cu siibal x ma' dzu'util.

²⁷Yuumtzile' cu p'ectic u ti'ibil óolal le j loolob máaco'obo', tumen cu kubico'ob yéetel kaakas tuuculo'ob.

²⁸Le aj jaajcunaj cu tuuse' bíin xu'ulsa'ac; ba'ale' le máax u yojel ch'enxiquine', mantadz cu páajtal u núuquic t'aan.

²⁹Le j loolob wíinique' cu paticubáa u ye'es jéedzel, máac utze' ma' tu péec tu yo'olal bix cuxclic.

³⁰Tu táan Yuumtzile' mina'an ojéelajil cu najmat, mix na'atil, mix u beeta'al ma'alob ba'alo'ob.

³¹Xiibe' cu máakantic u cuuch tzíimin u ti'al ba'atel ba'ale' u béeychajale' Yuumtzil máax dzáic.