Read Yucateco Proverbios 22 Bible Online

Proverbios 22 - Yucateco bible

Proverbios 22

¹U ya'ala'al ba'ax utz tu yo'olal jun túul wíinique' yéetel u ki'itbesa'al u kaaba'e', asab utz ti' ya'ab oro yéetel ya'ab plata.

²Ayikal yéetel le óotzile' yaan ba'ax ti' láajquetico'ob; tu ca'a túulalo'obe' j beeta'abo'ob tumen Yuumtzil.

³Máac cu tuucule' cu yilic u taal u chuun yaje' cu jechic; j ma' tuucule' cu bin tu paach cu dzo'ocole' cu mukyajtic u loob.

⁴X caabal ichil yéetel tziiquil ti' Yuumtzile', cu taasico'ob bey bo'olale' ayikalil, tziiquil yéetel cuxtal.

⁵U beel j loolob wíinique' chuup yanil yéetel léecho'ob; ba'ale' le máax cu canantic u cuxtale' cu tzelicubáa ti'ob.

⁶Utzil ca'anbes le chan paal bejela'e', beyo' tac tu nuxibile' ma' bíin u p'ati'.

⁷Ichil óotzilo'obe', máax ayikale' ajaw; Ichil aj p'aaxo'obe', máax cu dzaa p'aaxe' leti' ajaw.

⁸Máax pakic kaase', yaj óolalo'ob bíin u joche; Yuumtzil bíin u xu'uls yéetel u páajtalil u p'uujul.

⁹Máax ch'a'ic utzil ti' u láak máaque', yéetel iquil u táacbesic óotzil jaant u yo'och waaje' cu qui' t'anta'al.

¹⁰Quéen tojolch'inta'ac le ma' subtalo' cu xu'ulul le j ma' bisajbáilo' beyo' cu dzo'ocol le ba'atel bey le a'alaj ba'alo'.

¹¹Ajawe' utz u yilic máax ma' j ca'a p'éel ichi', cu bisicubáa yéetel le cu ya'alic ba'ax cu lúubul utzil.

¹²Yuumtzile' cu canantic ma'alob le aj ojéelajo' cu ya'alic ma' jaaj u t'aan aj tuusi'.

¹³U ti'al ma' u meyaj le j ma'akóolo' cu tuus, je'el bin u quíimsa'al tumen jun túul león yaan te j bejo'.

¹⁴Tamcach áactun u chi' x nupkeban tu'ux cu lúubul máax cu loolob t'anta'al tumen Yuumtzil.

¹⁵J ma' na'atile' u dze'edzec tuucul táanquelemil, ba'ale' cu lukul yéetel jaadzil ca'anbesaj.

¹⁶Máax cu ayikaltal iquil cu beetic yaayaj meyaj óotzile', wa cu dzáic ti' ayikale' bíin dzo'ococ ich óotzilil.

¹⁷Dzáa a wóole'ex ti' tuláacal ba'ax cu ya'alico'ob le aj ojéelajo'obo'; dzáa a tuucul ti' ba'ax quin ca'anbesic ti' teech.

¹⁸Ta'acbes ta tuucul, je'el u beetic utz ti' teche', u ti'al ca páatac a láaj ca'a a'alic bey jun p'éelili'e'.

¹⁹Bejela'e' quin dzáic a wojéelte u ti'al ca dzáa a wocsaj óolal ti' Yuumtzil.

²⁰Tene' dzo'oc in dzíibtic ti' teech treinta cóomcom ca'anbesajo'ob tu'ux yaan tzol xiquino'ob yéetel kaj óolalo'ob.

²¹u ti'al in ca'anbesiquech a kaj óolt u jaajil, u ti'al ca páatac a wa'alic u jaajil ti' le máax bíin u káat chi' ti' teech.

²²Ma' a sen beetic ba'al ti' óotzil chéen tumen óotzil, mix a yedzic tu táan le j ilaj ba'atel máax ma' tu páajtal u toquicubáa,

²³tumen Yuumtzile' bíin jóokoc u toque', bíin u yedz xan le máaxo'ob yedzique'.

²⁴Ma' a beeticabáa éet bisajbáa mix yéetel a wéet xíimbal yéetel loolob máaco'ob,

²⁵bic a can u loolob cuxtalo'ob ca xan a lech suum ta caal.

²⁶Mix bikin a éejemtic a bo'otic u p'aax u láak máac,

²⁷tumen wa mina'an ba'ax yéetel a bo'otique', bíin to'ococ teech tac u nu'ucul a wenel.

²⁸Ma' a kexic u cúuchil xu'uko'ob dza'ano'ob tumen a máanja'an ch'i'ibalo'obo'.

²⁹Máax cu beetic ma'alob u meyaje' tu meeyjulo'ob ajawo'ob bíin yaanac ma' ti' u meeyjulo'ob óotzil máaco'obi'.