Read Yucateco Proverbios 26 Bible Online

Proverbios 26 - Yucateco bible

Proverbios 26

¹Ye'ebe' Ma' u ti'al yáax kiini' mix ja'aja'al u ti'al u kiinilo'ob jooch mix tziiquil u ti'al j ma' ojéelaj.

²Je'el bix saatal xooxil yéetel le x cosam x ma' ku'o' bey loolob t'aan x ma' si'ipile', mix bikin bíin béeyaac.

³Tzíimine' yaan u sujquinta'al, buurroe' yaan u kaxni'ita'al j ma' ojéelaje' yaan u juumansa'al.

⁴Máax ma' tu núuquic u t'aan j ma' ojéelaje' ma' tu béeychajal je'el bix j ma' ojéelaj.

⁵Le máax u yojel u núuc u t'aan j ma' ojéelaje', cu beetic u kaj óoticubáa j ma' ojéelajil.

⁶U túuxta'al jun p'éel péectzil yéetel jun túul j ma' ojéelaje', bey a xotic a wooque' yéetel a caxtic choco poolal.

⁷Ma' tu náachtal móoch ti' u muuk yooco'ob mix mejen ca'anbesaj cu ya'ala'al tumen jun túul ma' j ma' ojéelaj.

⁸Jun p'éel ba'al ma' tu beeli' u ka'axal tuunich ti' yúuntun o'oli' bey ca dza'abac tziiquil ti' le j ma' ojéelajo'obe'.

⁹Cala'ane' ma' tu yu'ubic u ju'up'ul tumen ki'ix, mix xan tu na'ata'al le mejen ca'anbesaj cu ya'ala'al tumen le j ma' ojéelajo'.

¹⁰Aj p'úun che' cu tojtáantic u x julub tu tojil tuláacal le máax cu máane' bey le máax cu dzáic meyaj tu yotoch ti' máax ma' u yojel mixba'ali'.

¹¹Peeke' cu suut u mak u xej j ma' ojéelaje' cu suut ti' u j ma' ojéelajil.

¹²Je'el u pa'ata'al ti' le j ma' ojéelajo', asab ya'ab ba'al ma'alob ma' bey ti' máax cu tucultic jach ya'ab ba'al yojel.

¹³U ti'al ma' u meyaje', máakole' cu ya'alic yaan jun túul león ch'úuctic te j bejo'.

¹⁴U maac naje' cu suut tu kaxabilo'ob máakole' cu sutulsuut peclic tu kaan.

¹⁵Ma'akóole' cu jupic u kab te j laco' ba'ale' mina'an u yóol u kujsic tu chi'.

¹⁶Ma'akóole' cu tucultic asab ya'ab ba'ax u yojel ti' siete máaco'ob u yojelo'ob u núucto'ob t'aan.

¹⁷U yoquesicubáa ba'atel tu yo'olal yaanal máaque' bey u ma'achal jun túul peek tu xiquino'obe'.

¹⁸Je'el bix jun túul choco pool wíinic cu ch'inic t'aba'an julubo'ob u ti'al quíimsic wa máaxe',

¹⁹bey le máax cu tusic u yéet bisajbáa cu dzo'ocole' cu ya'alic chéen báaxal tuláacal.

²⁰x ma' si'e' cu tu'upul le káako', x ma' a'alaj ba'ale' cu ch'éenel ba'atel.

²¹U ti'al kíiche' t'aba'an chúuc; u ti'al ka'ake' t'aba'an si'; u ti'al u léecsa'al ba'atele' j caxan ba'atel.

²²A'alaj ba'ale' bey qui'icunaj chi'e', ba'ale' cu kuchul tac tu jach taamil.

²³U ya'ala'al joybil plata tu yóokol u cuumil kate' bey le jadzutz t'aano'ob cu ya'ala'al ma' yéetel utzil tuuculi'.

²⁴Máax cu p'ectaje', cu muclic quéen t'aanac', ba'ale' tu dzu' u pucsi'ikale' cu tucultic u beetic loob.

²⁵Ma' a wocsic a wóol ti' wa cu muumun t'aniquech, tumen u tuucule' chuup yéetel loob;

²⁶quex ca u yóolt u balic u p'ectaje', u kaasa'anile' bíin chíicpajac tu táan tuláacal.

²⁷Máax páanic jun p'éel joole', cu lúubul ichil; máax balkesic jun p'éel nojoch tuuniche', cu pe'ech'el tumen.

²⁸Aj tuuse' cu p'ectic u jaajil máax cu báay jo'ol t'aane' cu taasic x ca'anal ichil.