Read Yucateco Proverbios 29 Bible Online

Proverbios 29 - Yucateco bible

Proverbios 29

¹Máax cu beetic u dzu'uy jo'olil quéen a'ala'ac u nu'uc ti'e', tu séeblaquil cu bin j xu'ulsbil.

²Quéen u beet u nuuquil aj ti'ibil bejo'obe', yaan u yutztal tu yóol caaj; quéen méektáanaco'ob j loolob máaco'obe' cu yajtal tu yóol caaj.

³Paal aj ojéelaje' utz tu yóol u taata; le cu máan yéetel x cáacbacho'obe' cu babal xupic u taakin.

⁴Ajaw cu beetic ba'ax tu beele', cu jedzcuntic u caajal; le chéen cu tzáic páatane', cu sen óotzicuntic.

⁵Máax jun tiich' táan u qui'iqui' t'antic u yéet bisajbáe', ba'ax cu beetique', táan u dzáic léech tu beel.

⁶U léech aj loolob bejo'obe', u kebano'ob; ba'ale' utzil máaque', qui' u yóol yéetel utz u yóol cajlic.

⁷Aj ti'ibil beje' cu dzáic ba'axo'ob cu najmatic óotzil, ba'ale' ti' aj loobil beje', ba'ax u káat ti'.

⁸J p'u'usaj caaje' cu líiksic u yóol caaj; aj ojéelajo'obe' cu jóomsico'ob u yóol caaj.

⁹Aj ojéelaj cu queetlan ba'atel ti' jun túul ma' ojéelaje', cu p'uujul, cu p'a'asta'al, cu dzo'ocole' mix ba'al cu najmatic.

¹⁰J quíimsaj wíinic yéetel le j ma' ch'a'a' óotzil cu táaj p'ectico'ob máax utz u cuxtal.

¹¹J ma' ojéelaje' cu cha'ic u jíilta'al tumen u yaayam, ba'ale' aj ojéelaje' cu cóolcubáa.

¹²Aj méektáan cu táan óoltic tuuso'obe', cu kascuntic tuláacal u j meyajo'ob.

¹³Le máax cu ye'edzel yéetel máax cu yeedze' yaan ba'ax quetico'ob: Yuumtzile' u dzaamaj paacat ti' tu ca'a túulal.

¹⁴Ajaw cu méektáantic óotzilo'obe' yéetel chuca'an óolale', mantadz cu t'ilcuntic u jalach káanche'.

¹⁵Jaadz yéetel keyajo'obe' cu yúuchul canbal, ba'ale' paal cu beetic ba'ax u káate' cu pajic u subtal u maama.

¹⁶Wa cu ya'abtal aj loobil bejo'obe' cu ya'abtal xan keban, ba'ale' utzil máaco'obe' bíin u yilo'ob kaas u xu'ulul.

¹⁷A'al u nu'ucul ti' a paal beyo' bíin cuxlaquech x ma' sajaquil, bíin xan u dzáatech ya'ab utzil óolalo'ob.

¹⁸Tu'ux mina'an u nu'uc t'aan Kue', mina'an ba'al tu beeli', ¡qui' tu yóol le caaj cu dzo'ocbesic u ya'almaj t'aano'ob Ku!

¹⁹Yéetel ma' tu ch'ic bej palitzil, tumen cu na'atic, ba'ale' ma' u káat u táan óolti'.

²⁰Ba'ax cu ya'alic jun túul j ma' ojéelaje' ba'ale' ti' máax cu t'aan j ma' tuuculil.

²¹Máax cu cha'ic u palitzil u beet ba'ax u káat líikbal tu chichnile', tu pachalile' yaan u yoktic.

²²Máax séeb u meyaj loob yéetel cu jíilta'al tumen u tuucule', cu léecsic ba'atelo'ob yéetel cu beetic ba'alo'ob keechel.

²³Máax j ca'anal iche', cu pa'ajal u subtal, ba'ale' j cabal óole' cu tzi'iquil.

²⁴Le máax cu táacpajal yéetel máax cu yoocole' cu p'ectmubáa, tumen quex u yu'ub loolob t'aano'obe' ma' tu cáantic.

²⁵Sajaquil ti' wíinico'obe' jun p'éel léech, ba'ale' máax cu yocsic u yo'ol ti' yuumtzile' cu cananta'al.

²⁶Ya'ab máaxo'ob cu caxtico'ob u beeta'al utz ti'ob tumen j méektáano'ob, ba'ale' chéen Yuumtzil cu beetic ba'ax ti'ibil.

²⁷Utzil máaco'obe' ma' tu bisicuba'ob j loolob wíinico'ob j loolob wíinico'ob xane' ma' tu bisicuba'ob yéetel utzil máaco'ob.