Read Yucateco Proverbios 9 Bible Online

Proverbios 9 - Yucateco bible

Proverbios 9

¹Le ojéelajo' tu beetaj u yotoch, tu jadzutzquintaj yéetel siete ocomo'ob;

²tu quíimsaj ba'alche'ob u ti'al le janalo', tu máaka'antaj ma'alob vino, ca tu dzaj tu mayacche'[2]

³ca tu túuxtaj u x palitzilo'ob u ka'am awato'ob líikbal u ca'anlil le caajo':

⁴¡Co'otene'ex waye', táanqueleme'ex mix ba'al a wojele'ex! Tu túuxtaj a'albil ti' le j ma' tuuculo':

⁵Co'otene'ex a jaante'ex in wo'och waaj uke'ex xan le vino dzo'oc in máakantico'.

⁶P'ate'ex a j ma' tuuculile'ex u ti'al ca cuxlaque'ex cuxlene'ex bey wíinic yaan u na'ate'.

⁷Tzol u xiquin le aj p'a'aso', yéetel le j loolob máaco', ba'ax ca bin a kam ti'e' pooch'il yéetel u pajic a subtal.

⁸Wa ca keyic le aj p'a'aso' bíin u p'ectech; Wa ca tzolic u xiquin le aj ojéelajo' bíin u yaabiltech.

⁹Dzáa na'at ti' le aj ojéelo' bíin ya'abac u yojéelaj; ca'anbes le utzil wíinico' ca ya'abac u yojéelte.

¹⁰Le ojéelajo' cu chúunul yéetel a tziiquil ti' Yuumtzil u kaj óolta'al le Aj sen quili'icho' u chíiculal yaan le na'ato'.

¹¹Tu yo'olal le na'ato', bíin cuxlaquech ya'abcach kiino'ob bíin u tzay ya'ab ja'abo'ob ti' a cuxtal.

¹²Wa aj ojéelajeche' a ti'al u yutzil wa aj p'a'aseche', teech bíin a kam u bo'olal.

¹³Le máax ma' yojel mixba'ale' bey jun túul x ma' na'at co'olel cu máan u ya'al ba'ale'.

¹⁴Cu cutal ti' jun p'éel káanche' tu jool u yotoch, tu asab ca'analil le caajo',

¹⁵cu t'anic le máaxo'ob cu máano'obo' le máaxo'ob cu bino'ob ti' ma'alob bejo'obo':

¹⁶¡Co'otene'ex waye', j táanquelem máaque'ex mix ba'al a wojele'ex! Cu túuxtic a'albil ti' le j ma' u cano'ob tuucul tu beelo':

¹⁷Le ocolbil ja'o' asab qui' u yu'ukul; le waaj cu jaanta'al x muculilo' asab qui' u jaanta'al.

¹⁸Ba'ale' le ti'obe' ma' u yojelo'obe' wa le máaxo'ob u yéet janalo'obo' bejela'e' chéen u yoochelo'ob le méektáan quíimilo'.