Read Yucateco Eclesiastés 4 Bible Online

Eclesiastés 4 - Yucateco bible

Eclesiastés 4

¹Tin dzajinbáa in jach pact bix u ye'edzel óotzilo'ob yóokolcaab. Ca tin wilaj táan u yokolo'ob le máaxo'ob ye'edza'ano'obo' ba'ale' mina'an mix máax u ti'al áatico'ob; cu beeta'al loob ti'ob tumen le máaxo'ob yedzico'obo' ba'ale' mina'an máax áatico'ob.

²Le t o'olal tin tuclaj, le quimeno'obo' asab ma'alob yanilo'ob ti' le cuxa'ano'obo';

³ba'ale' le máaxo'ob ma' síijico'obo' asab ma'alob yanilo'ob ti' le ca'a túulo'obo', tumen ma' u yilo'ob le loob cu beeta'al way lu'uma'.

⁴Tin wilaj xan le ya'ab meyaj yéetel u bin utzile' cu taasic saawinaj óolal ichil wíinico'ob, le xana' chéen waya'as, bey a wóoltic a lap' iike'.

⁵Máaco'obe' cu ya'alico'ob: le j ma' ojéelajo' cu máakolale' leti' beetic u yóotziltal.

⁶Ba'ale' tene' quin wa'alic: Jun súutuc je'elele', asab ma'alob ti' ca'a súutuc xul óolal, tu yóolta'al u la'ap'al iik.

⁷Ca tin sutajimbáa tu láak jun tzéele', u láak chéen cunel waya'as way yóokolcaabe':

⁸jun túul wíinic tu juunal, mina'an u yéet bisajbáa, mix u paalal, mix u láaktzilo'ob, ma'atech u je'elel mix jun súutuc, ma' tu náacal u yóol u yilic u ayikalil, mix tu káat chi'iticubáa: ¿Máax u ti'al quin sen meyaj? ¿Ba'axten ma' tin táan óoltic in toj óolal? Bey xan lela' chéen waya'as yéetel jun p'éel aal cuuch.

⁹Ca'a túule' asab ma'alob ti' chéen jun túul, tumen ya'ab u náajali'.

¹⁰Wa jun túul cu lúubule' yaan máax líiksic. ¡Óotzil máax cu lúubul mina'an máax líiksic!

¹¹Bey xan, wa ca'a túul cu chitalo'obe', tu baatzilo'ob cu kíinticuba'ob; ba'ale' chéen jun túule'. ¿Bix cu bin j kíintal?

¹²Chéen jun túule' cu pa'abal u muuk, ba'ale' wa ca'a túule' je'el u páajtal u ba'atelo'obe'. Suum óox ch'oote' ma' tu jáan t'óocol.

¹³U láak ba'ale', j xi'ipal óotzil yaan u na'ate' asab co'oj, ti' ajaw nuxib j ma' na'at, tumen ma' tu yóoltic ca tzo'oloc u xiquin.

¹⁴J táanquelem wíinic cu cutal tu jalach káanche' jun túul ajaw, cu dzo'ocol u cha'abal ti' kalabe', wa quex nakan óotzile' cu kuchul ajawtal, in wilmaj u yáanta'al tumen tuláacal u lu'umilo'ob yóokolcaab.

¹⁶Quex tumen ya'ab u yuumilo'ob le caaj tu'ux bíin ajawnaco', mix ti' leti'ob mix ti' u ch'i'ibalo'ob bíin u jedz u yóolo'ob. Bey xan lela' chéen waya'as, bey óolta'ac u la'ap'al iike'.