Read Yucateco Cantares 4 Bible Online

Cantares 4 - Yucateco bible

Cantares 4

¹¡Qui'ichpamech in x yaabilaj! ¡Jach qui'ichpamech! A wicho'obe' ca'a túul sacpacal cu ta'acbesicuba'ob tu paach káasab; u tzo'otzel a poole' beyo'ob mejen j yuuco'ob cu sit'lanquilo'ob tu pu'uquilo'ob Galaade'.

²A cojo'obe', láaj nu'uca'an yanilo'ob, beyo'ob u múuch'ul j tamano'ob táant u jóokolo'ob u ti'al kosbilo'obe'.

³U bóoxel a chi'e' beyo'ob jaxbil chachac bekech káane', táaj utz u yu'uba'al t'aan. A p'u'uque' beyo'ob ca'a xa'ay granadaob u ta'acbesmajuba'ob yáanal a bóoch'.

⁴A caale' chica'an ti' u qui'ichquelem witzil naj beeta'ab u ti'al David. Tu'ux cu ch'uyquinta'al mil chimalo'ob u chimalo'ob xiixib máaco'ob.

⁵A wiimo'obe' beyo'ob ca'a túul que'ejo'obe' ca'a túul quéejo'ob iicho'ob cu tzéenticuba'ob ichil nicte'ob.

⁶Ca'aliquil u sáastal, yéetel u bin le éekjoch'e'eno', bin in ca'aj tu káaxil mirra, tu cabal lu'umil poom.

⁷¡Teche' qui'ichpamech in x yaabilaj; láaj qui'ichpamech! ¡Tuláacal a wíinclil utz yanil!

⁸Éemen tin wéetel tu ca'analil le Líbanoo', in x ba'al; éemen tin wéetel tu ca'analil le Líbanoo'. cha'ant le cabal lu'um líikbal tu ca'analil Amana, líikbal tu ca'analil Senir yéetel Hermón; líikbal tu sascabil leóno'ob, líikbal tu ca'analil u pu'uquil j cojo'ob.

⁹Ta woclaj in pucsi'ikal, in chan íidzin, in x ba'al; ta woclaj in pucsi'ikal chéen yéetel jun puul a paacat, yéetel jun p'éel u bekechil u káanil a kax caal.

¹⁰¡In wíidzin, in x ba'al, jach utz in wu'uyic a báaytic in jo'ol! ¡A yaacunaje' asab ch'ujuc ti' vino, asab qui'iboc xan ti' tuláacal qui'iboquilo'ob!

¹¹In x ba'al, caab cu yáalal ta chi'. ¡Caab yéetel leche yaan yaanal a waak! ¡Bey u qui'iboquil Líbanoe', bey u qui'iboquil a búuque'!

¹²Teech in wíidzin, in x ba'al, jun p'éelech kala'an u x péet pachil nicte'ob, jun p'éelech u tuul ja' ch'ota'an, jun p'éelech kala'an sayab;

¹³U cúuchil pakal tu'ux cu xíitil u lool granadaob, cu dzáico'ob qui'iqui' icho'ob; u x péet pachil u nicte'ob alheña,

¹⁴Nardo'ob yéetel azafrán, qui'iboc caña, canela yéetel tuláacal u jejeláasil u che'ilo'ob poom, mirra, sáabila yéetel ¡tuláacal qui'iboc ba'alo'ob!

¹⁵U sayab ja'il u x péet pachil nicte'ob, jun p'éel ch'e'en tu'ux cu tuul ja' cu yéemel líikbal líbano.

¹⁶U yiikal j xaman, ¡aajen! U yiikal j noojol ¡co'oten waye'! ¡Ustajnene'ex ichil u x péet pachil in pakal nicte', u ti'al u ki'itpajal u qui'iboquil! Co'oten, in aj yaabilaj, tu cúuchil a pakal u ti'al a jaant u qui'iqui' icho'ob le che'obo'.