Read Yucateco Isaías 16 Bible Online

Isaías 16 - Yucateco bible

Isaías 16

¹Líikbal Sela te x tocoy lu'umo', u nuuquilo'ob le múuch' caajo'obo' cu túuxtico'ob mejen j tamano'ob tac tu pu'uquil Sión.

²U cajnáalilo'ob Moabe', te tu'ux cu ch'aacat ja'il Arnóne' beyo'ob ch'íich'o'ob jaka'an u yóolo'ob cu púudzulo'ob ti' u ku'ob.

³Cu ya'alico'ob ti' Sión: Tucult bix je'el a canantico'one', teche' beet wa ba'ax u ti'al a wáantico'on. Xit' a bo'oy tu jach chocoil le kiino', bíin p'áat je'el bix yéetel áakabe'; dzáa tu'ux u yantal le máaxo'ob tojolch'inta'ano'ob tu lu'umo'ob, ma' a kubic le máaxo'ob cu púudzulo'obo'.

⁴Cha'a u ta'acbesicubáa ta wicnal máaxo'ob cu púudzulo'ob Moab. Beetabáa u ta'acbesajbáilo'ob tu táan le máax xu'ulsico'obo'. Le quéen xu'uluc le yeedzil yéetel le quéen jáawac le xu'ulsajo', le quéen jóokoc ti' le múuch' caaj le j ch'a'a caajo',

⁵jun túul u ch'i'ibal David bíin ti'alintic le ajawilo', bíin ajawnac yéetel utzil. Bíin u beetubáa jun túul toj aj p'is óolil, yaan u láaj nu'ucbesic ba'ax unaj, séeba'an bíin u beet u kuchul ti'ibil óolal.

⁶C kaj óol u sen tuculticubáa Moab, u ca'anal ichil, u noj ba'alil u dzu'uy pucsi'ikalil yéetel binqui' t'aan.

⁷Le t o'olale', tuláacal u cajnáalilo'ob Moabe' bíin u yokto'ob u múuch' caajo'ob; yéetel sen okom óolal bíin mukyajnaco'ob tu yo'olal u j xiibilo'ob Kir-hareset.

⁸U x péet pachil u pakal uvaob Hesbón yéetel Sibmae' dzo'oc u chuchultalo'ob, dzo'oc u kascunta'alo'ob tumen u dzuulilo'ob le múuch' caajo'obo'. U kab u aakilo'obe' cu kuchulo'ob ca'ach tac Jazer, cu jayicuba'ob ca'ach te x tocoy lu'umo', cu kuchulo'ob tac tu xuul le ka'anabo'.

⁹Le t o'olal quin wokoltic u x péet pach u pakal uvailo'ob Sibma, bey xan u x péet pach pakal uvailo'ob Jazer, cu yéemel u ja'il in wich tu yo'olal Hesbón yéetel Eleale', tumen juumnaj u yúuchul ba'atel tu yo'olal u t'oocol u yich uvaob.

¹⁰Qui'imac óolal yéetel le juum t'aano'ob, bíin xu'uluc te j káaxo'obo'; ma' bíin ca'a yanac u yawatil qui'imac óolali' mix u kaayo'ob ichil u x péet pachilo'ob pakal le uva, mix bíin ca'a ye'edzec uva u ti'al u jóokesa'al u kaab. J xu'ul le awato'obo'.

¹¹In pucsi'ikale', cu quiquilnaj bey arpae', tu yo'olal Moab yéetel Kir-hareset.

¹²Quex ca u yóolt j bin Moab te j jo'ol lu'umo'ob u ti'al sen káat óolal tac u ca'ansicubáa, quex ca sen xi'ic tu kulnaj j payalchi', mix jun p'éel utz bíin u kame.

¹³Je'el ba'axo'ob tu ya'alaj Yuumtzil tu yóokol Moaba', dzo'oc u máan kiin u ya'ale'.

¹⁴Bejela'e', cu ya'alic Yuumtzil: Ichil óox p'éel ja'ab je'el bix le cu xoquic le aj meyaj cuxa'an chéen yéetel u bo'olal u meyaje', u nojochil Moabe', bíin p'áatac p'ecbe'en, quex sen ya'ab u cajnáalilo'obe'; chéen u chan p'íit bíin p'áataqui', u j ma' muukilo'ob.