Read Yucateco Isaías 35 Bible Online

Isaías 35 - Yucateco bible

Isaías 35

¹Qui'imacchjac u yóol le x tocoyo', lu'um tiquin; sen qui'imacchajac u yóol, ca loolnac,

²loolnac je'el bix u lool x dzula'e', sen yanac qui'imac óolal ti'. Ku bíin u sen jadzutzquintic je'el bix Líbanoe', yaan u sen ma'alobchajal u lu'umil je'el bix Carmeloe' yéetel u táax kóom lu'umil Sarone'. Tuláacal máax bíin ilic u nojbe'enil Yuumtzil, u tzicbe'enil c Ku.

³Mu'uka'anquinte'ex le j ma' muuko'obo', dza'ex u yóol le máaxo'ob ca'anantaco'obo',

⁴a'ale'ex ti' le máaxo'ob sublac u yicho'obo': ¡Yanac a wóole'ex ma' a ch'a'ique'ex sajaquil! ¡Kue' way yaan u ti'al u toque'exe', bíin u jadz a aj p'eeque'ex je'el bix u najmatico'obe'!

⁵Le ch'óopo'ob túuno' bíin paacatnaco'ob, le cóoco'obo' bíin u'uyajnaco'ob;

⁶le móocho'obo' bíin síit'nacco'ob bey quéejo'obe' le tooto'ob xano', bíin awatnaco'ob. Te j tiquin x tocoy lu'umo' bíin yanac ya'abcach ja'i'.

⁷le x tocoy lu'umo' bíin suunac xéel ja'il, le j tiquin lu'umo' bíin chu'upuc yéetel sayab ja'ob. Le tu'ux cajnáal bejela' u peekilo'ob káaxe', bíin jóokoc jalalo'ob yéetel tajo'obi'.

⁸Bíin yanac jun p'éel noj bej bíin u kaaba'int Quili'ich bej. Le máaxo'ob ma' u yutzquintmajuba'obo', ma' bíin páatac u xíimbalo'ob ti' le bejo'; le ma' j ojelo'obo', ma' bíin xíimbalnaco'obi'.

⁹Te'elo' ma' bíin yanac leóno'obi' mix bíin u nadzubáa dzíidzic ba'alche'obi'. Ti' le bej je'el bíin suunaco'ob le máxo'ob jáalkabta'ano'obo',

¹⁰le máaxo'ob loja'ano'ob tumen Yuumtzilo', bíin ococo'ob tu caajil Sión yéetel u kaayilo'ob qui'imac óolal, mantadz bíin cuxlaco'ob qui'imac u yóolo'ob. Bíin xi'ic sen utzil ti'ob, bíin xu'uluc okom óolal yéetel mukyajil.